باسقارما باسشىسى يگىلىك اۋباكىروۆ: «رۇقسات العان شەتەلدىك ازاماتتار جۇمىسقا ورنالاسقان كەزدە قۇجات بويىنشا ينجەنەر-مەحانيك بولىپ كورسەتىلگەنمەن, اتقاراتىن لاۋازىمى مەن ءبىلىمى تۋرالى قۇجاتى سايكەس كەلمەيدى. ال الگى مەكەمە ءتۇرلى سىلتاۋلاردى العا تارتىپ, جەرگىلىكتى جۇمىسشىلاردى قىزمەتكە قابىلدامايدى. ءتىپتى, رۇقسات الماستان ەمىن-ەركىن ەڭبەك ەتىپ جۇرگەندەر بار. تەكسەرىس قورىتىندىسىندا تۋريست بولىپ كەلىپ, ناپاقا تاۋىپ جۇرگەندەرگە شارا قولدانىلدى. بىلتىر 32 ملن تەڭگەدەن استام ايىپپۇل سالىندى. رۇقسات بەرۋ كوميسسياسىنا كەمشىلىك انىقتالعان كومپانيالارعا ءبىر جىل بويى شەتەلدىك جۇمىس كۇشىن تارتۋعا كەلىسىم بەرمەۋ جونىندە ۇسىنىس جولدادىق», − دەيدى.
باسقارما وتكەن جىلى 503 تەكسەرۋ جۇرگىزىپ, 775 زاڭ بۇزۋشىلىقتى اشقان. جۇمىس كەزىندە جازاتايىم جاعدايدان زارداپ شەگۋشىلەر سانى دا ازايار ەمەس. بيىلعى ءتورت ايدا ءۇش ادام وقىس وقيعا سالدارىنان ومىرمەن قوشتاسىپتى. يگىلىك ايدار ۇلى جۇمىس بەرۋشىلەردىڭ قاۋىپسىزدىك تالاپتارىن ساقتامايتىنى وسىنداي وكىنىشتى جايتتارعا اكەلەتىنىن ايتادى. مىسالى, جاقىندا شەتەلدىك جاس جىگىت قۇرىلىستا ءجۇرىپ مەرت بولدى. تەكسەرە كەلگەندە, ونىڭ جۇمىس ىستەۋگە رۇقساتى دا, ەڭبەك شارتى دا جوقتىعى انىقتالدى. كەيبىر كومپانيالار ءۇشىن بۇل ءتيىمدى: شەتەلدىك ازاماتتى جۇمىسقا تارتقانى ءۇشىن ەڭبەك شارتىن جاسامايدى, سالىق تولەمەيدى, ەسەسىنە, جالاقىسى دا از.
جىل باسىنان بەرى وبلىستا بەس مەكەمەنىڭ شەتەلدىك جۇمىس كۇشىن تارتۋدا زاڭ تالاپتارىن ساقتاماي وتىرعانى بەلگىلى بولدى. اسىرەسە, رەكرۋتينگتىك كومپانيالاردا زاڭ بۇزۋشىلىق كوپ بايقالادى ەكەن.
باقىتگۇل باباش,
«ەگەمەن قازاقستان»
اتىراۋ
