مۇنىڭ ءبىرىنشىسى ەكونوميكالىق جاڭعىرۋ, سونىڭ ىشىندە ەكونوميكانىڭ جەدەلدەتىلگەن تەحنولوگيالىق جاڭعىرتىلۋى ەكەنى بەلگىلى. بۇل جونىندە رەسپۋبليكا پرەزيدەنتى ن.ءا.نازارباەۆتىڭ قازاقستان حالقىنا جولداۋىندا جان-جاقتى ايتىلعان. جاڭعىرۋدىڭ كەلەسى كەزەگى ساياسي جاڭعىرۋعا ۇلاسادى. مۇنىڭ جارقىن مىسالى بيلىك تارماقتارىن ءبولىسۋ جونىندەگى ەلباسى ۇندەۋىنە وراي قابىلدانعان شەشىم دەپ بىلەمىز.
ەندى رۋحاني جاڭعىرۋ جايلى قالاي بولادى ەكەن دەپ ەلەڭدەپ جۇرگەنىمىزدە باسىلىم بەتتەرىندە رەسپۋبليكا پرەزيدەنتى نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسى جارق ەتە ءتۇستى. ءبىز وسى بەرەرى مول, ايتارى اسقاق كەمەل دۇنيەمەن تانىسقان كەزدە بۇعان دەيىن ىزدەپ جۇرگەن اسىلىمىزدى تاپقانداي, جوعالتقانىمىزدى تۇگەندەگەندەي كۇي كەشتىك. مۇندا رۋحاني جاڭعىرۋ جولدارىنىڭ بارلىق قىرلارى مەن سىرلارىنا قاتىستى تەرەڭ تالداۋلار مەن پايىمداۋلار جاسالعان. سونىمەن بىرگە, بۇل باعىتتا الداعى اتقارىلاتىن مىندەتتەر تايعا تاڭبا باسقانداي سارالانىپ, كور-
سەتىلگەن. مەن سولاردىڭ ىشىنەن ءبىر ماسەلەگە قاتىستى ءوز وي-پىكىرىمدى بىلدىرگىم كەلەدى.
مۇنىڭ ءوزى مەملەكەت باسشىسى ماقالاسىنىڭ العاشقى بولىگىندەگى ءححى عاسىرداعى ۇلتتىق سانا تۋرالى ايتقان تاعىلىمدى تولعانىستارىنان تۋىندايدى. ماقالانىڭ وسى ءبىرىنشى بولىگىنىڭ بەتاشار پاراعى باسەكەلىك قابىلەت ماسەلەلەرىنە ارنالىپتى. راس, نۇرسۇلتان نازارباەۆ باسەكەگە قابىلەتتىلىك جونىندەگى وي-تۇجىرىمدارىن, ونىڭ ەلىمىزدىڭ ەكونوميكالىق تۇرعىدا دامۋىنداعى الاتىن وراسان زور ءرولىن بۇعان دەيىن دە ايتقانى, سانالارعا سىڭىرگەنى بەلگىلى. ال قازىر ءبىز بۇل تۇسىنىككە ەكىنشى ءبىر قىرىنان قانىققانداي بولدىق. ابايلاپ, اڭداپ قاراساق, باسەكەگە قابىلەتتىلىك تەك ەكونوميكالىق كاتەگوريا عانا ەمەس, سونىمەن بىرگە رۋحاني جاڭعىرۋ ماسەلەلەرىندە دە جەتەكشى ورىن الادى ەكەن. ەلباسى ماقالاسىنان ءبىز وسىنى ۇقتىق. ونىڭ قاجەتتىلىگىن كوڭىلگە مۇقيات تۇيدىك.
بولاشاقتا ۇلتتىڭ تابىستى بولۋى, ونىڭ تابيعي بايلىعىمەن ەمەس, ادامداردىڭ باسەكەلىك قابىلەتىمەن ايقىندالادى دەپ اتاپ كورسەتەدى مەملەكەت باسشىسى. اينا-قاتەسىز شىندىق. دۇنيەدە شاڭ قاۋىپ قالۋدان ارتىق دارمەنسىزدىك بولا قويماس, ءسىرا. شىنتۋايتىنا كەلگەندە, وسى باسەكەلىك قابىلەت ۇعىمى ەل-جۇرتىمىز بەن حالقىمىز ءۇشىن تەك سوڭعى كەزدە پايدا بولعان قاعيدا دەسەك, قاتەلەسۋىمىز مۇمكىن.
ءبىزدىڭ دانا بابالارىمىز ءوز ۇرپاقتارىن العا تالپىندىرا دا بىلگەن, ۇمتىلدىرا دا بىلگەن عوي. ماعان وسىنداي ۇلى ماقساتتىڭ ءورىسىن مەملەكەت باسشىسى رۋحاني جاڭعىرۋعا قاتىستى ماقالاسىندا تىڭ, جاڭاشا ءبىر قىرىنان تولىقتىرعانداي بولادى دا تۇرادى. مۇنى ەلباسى اتاپ كورسەتكەندەي, ءححى عاسىرعا لا-
يىقتى قاسيەتتەرگە يە بولۋ ۇعى-
مىنان ايقىن اڭعارا الامىز. بۇل دەگەنىڭىز, ماقالادا كورسەتىلگەندەي, كومپيۋتەرلىك ساۋاتتىلىق, شەت تىلدەرىن ءبىلۋ, مادەني اشىقتىق سەكىلدى فاكتورلار ەكەنى تاعى دا تالاسسىز.
ءبىز ءححى عاسىر تالاپتارىنا ساي بولۋ دەگەن ۇعىمدى قالاي ءتۇسىنىپ ءجۇرمىز. بۇل ساۋال-
دىڭ جاۋابىن دا پرەزيدەنت ماقالاسىنان تابا الاسىز. ياعني, مۇنىڭ ءوزى «تسيفرلى قازاقستان», ء«ۇش تىلدە ءبىلىم بەرۋ», «ەتنوس-
ارالىق جانە كونفەسسياارالىق كەلىسىم» سەكىلدى مەملەكەتتىك باعدارلامالاردىڭ تيگىزەتىن شاپاعاتىن ءاربىر قازاقستاندىق بو-
يىنا سىڭىرە ءبىلۋى دەگەن ءسوز بولىپ شىقپاي ما؟ البەتتە سولاي بولسا كەرەك.
الەمگە تانىمال ساياساتكەر مارگارەت تەتچەردىڭ: «ەشبىر تابيعي بايلىقتارسىز دا مەملەكەتتى قۋاتتى ەتۋگە بولادى. ەلدىڭ باستى بايلىعى – ادام. مەملەكەت تەك سول ادامداردىڭ تالانتىن اشۋدىڭ نەگىزىن جاساۋ كەرەك», دەگەن ۇلاعاتتى ءسوزى بار ەكەن. بۇل ويلى پىكىر دە قازاقستان پرەزيدەنتىنىڭ ماقالادا ايتقان سوزىمەن ۇندەسىپ جاتقانداي كورىنەدى. ءسوزىمدى تۇيىندەي كەلە ايتارىم, مەملەكەت باسشىسىنىڭ جۇرەكتەن شىققان ءسوزى جۇرەكتەرگە جەتكەنى انىق. ياعني, پرەزيدەنتتىڭ رۋحاني جاڭعىرۋعا قاتىستى ءماندى دە ماعىنالى ماقالاسى سونىسىمەن قۇندى, سونىسىمەن باعالى دەمەكپىن.
ايگۇل دۇيسەنوۆا,
اقتوبە وبلىسىنىڭ ۇەۇ قاۋىمداستىعى زاڭدى تۇلعالار بىرلەستىگىنىڭ پرەزيدەنتى
اقتوبە
