شارا بارىسىندا مەملەكەت باسشىسىنىڭ «بولاشاققا باعدار: رۋحاني جاڭعىرۋ» اتتى ماقالاسىنىڭ ماڭىزدى تارماقتارى, اتاپ ايتقاندا, XXI عاسىرداعى ۇلتتىق سانا تۋرالى جانە تاياۋ جىلدارداعى مىندەتتەر, ونىڭ ىشىندە قازاق جاز-
ۋىن بىرتىندەپ لاتىن الىپبيىنە كوشىرۋ جۇمىستارى, قوعامدىق جانە گۋمانيتارلىق عىلىمدار جوباسى تۋرالى وزەكتى ماسەلەلەر تالقىلاندى. كەلەسى ءبىر ماسەلە ءدىني سالاداعى جاڭعىرۋدىڭ رۋحاني جاڭعىرۋمەن استاسۋى توڭىرەگىندە ءوربىدى. وسىعان بايلانىستى ينستيتۋتتىڭ ءدىنتانۋ ءبولىمىنىڭ مەڭگەرۋشىسى باقىتجان ساتەرشينوۆ «قازاقستاندىق سانانىڭ جاڭعىرۋى: ءدىني سانا قىرلارى» تاقىرىبىندا, نۇر مۇباراك ەگيپەت يسلام مادەنيەتى ۋنيۆەرسيتەتىنىڭ PھD دوكتورى اسقار اكىمحانوۆ «رۋحاني جاڭعىرۋداعى حانافي-ماترۋدي مەكتەبىنىڭ ماڭىزى» تاقىرىبىندا بايانداما جاساپ, ءوز ويلارىن ورتاعا سالدى. جات اعىمداردىڭ جەتەگىندە كەتپەي, بابالارىمىزدان ميراس بولىپ كەلە جاتقان ءداستۇرلى ءدىنىمىزدى تەرەڭىنەن ءتۇسىنىپ, قوعامداعى بىرلىك پەن بىرتۇتاستىقتى ساقتاۋدىڭ وزەكتىلىگى ايتىلدى.
– قازاق حالقى يسلام ءدىنىن ءوزىنىڭ ەجەلدەن قالىپتاسقان سالت-ساناسىمەن, وزىق داستۇرىمەن ۇيلەستىرە, ساباقتاستىرا وتىرىپ قابىلدادى. سول ارقىلى ءبازبىر ۇلتتار سەكىلدى وزىندىك ۇلتتىق بولمىسى مەن ءتول مادەنيەتىنەن ايى-
رىلىپ قالعان جوق. ءداسۇرلى يسلام سان عاسىرلار بويى بابالارىمىز ۇستانىپ كەلە جاتقان ءدىن مەن ءداستۇردىڭ ساباقتاستىعىنان تۋىنداعان دۇنيە. قازاقستان مۇسىلماندارى ءدىني باسقارماسى, قازاقستان مۇسىلماندارى ۇستاناتىن حانافي-ماترۋدي مەكتەبى قازاقتىڭ ءداستۇرلى ءدىني دۇنيەتانىمىنىڭ نەگىزگى مايەگى بولىپ تابىلادى. ماترۋدي ءىلىمى ادامنىڭ تابيعاتىن, بولمىس-ءبىتىمىن, اقىل-وي پسيحولوگياسى مەن ەرىك قالاۋىن نەگىزگە الادى. ەلباسىمىز ايتقان رۋحاني جاڭعىرۋ ۇلتتىق رۋحاني بولمىس-پەن جانە سەنىم-نانىممەن استاسىپ جاتىر. سوندىقتان, جاستارىمىزعا دۇرىس تاربيە بەرىپ, حالقىمىزدىڭ ۇلتتىق قۇندىلىقتارى مەن مادەني ءداستۇرىن قۇرمەتتەۋگە باعىتتاۋىمىز كەرەك, – دەيدى ءدىنتانۋشى اسقار اكىمحانوۆ.
– قانداي ءدىن ءبىزدىڭ رۋحاني جاڭعىرۋىمىزعا كومەكتەسەدى دەگەن كەزدە بۇكىل ورتالىق ازيا ەلدەرى ۇستاناتىن بابالارىمىزدان كەلە جاتقان حانافي باعىتىنىڭ جاسامپاز قىرلارى انىقتالادى. دەموكراتيالىق قوعامدا ءار ازاماتتىڭ نانىم-سەنىم تاڭداۋ ەركى وزىندە. دەگەنمەن, قوعامداعى بىرلىك پەن تىنىشتىق ەڭ ءبىرىنشى قاعيدا, نەگىزگى ىرگەتاس. اركىم ويىنا كەلگەنىن ىستەپ, ەكسترەميزم مەن تەرروريزمگە بارا بەرەتىن بولسا, العا دامي المايمىز. بۇگىن تالقىلانعان وتكىر ماسەلەنىڭ بارلىعى جۇزەگە اسۋ ءۇشىن زيالى قا-
ۋىم ءوزىنىڭ ىشكى الەۋەتىن كورسەتە ءبىلۋى كەرەك – دەيدى فيلوسوفيا عىلىمدارىنىڭ دوكتورى, پروفەسسور سەرىك ەرمۇراتوۆ.
جيىن بارىسىندا رۋحاني جاڭعىرۋ باعىتى بويىنشا وزگە دە مايەكتى ماسەلەلەر كەڭ كولەمدە تالدانىپ, ەلباسى ماقالاسىندا ايتىلعان ءار تاقىرىپ بولاشاققا تىڭ سەرپىن بەرەتىن ماڭىزدى قۇجات ەكەنى ايتىلدى.
ارمان وكتيابر,
«ەگەمەن قازاقستان»
الماتى
