قازاق جانە ورىس تىلدەرىندە جارىق كورگەن جازۋشىنىڭ ەڭبەكتەرى كەڭ تارالىپ, اعىلشىن, نەمىس, بولگار, ۆەنگەر, چەح تىلدەرىنە اۋدارىلدى.
2014 جىلى لوندوندا د.يسابەكوۆتىڭ «گاۋھارتاس جانە باسقا دا اڭگىمەلەر» اتتى پوۆەستەر مەن اڭگىمەلەر جيناعى جارىق كورىپ, «وكپەك جولاۋشى» پەساسىنىڭ جەلىسىمەن سپەكتاكل قويىلعان ەدى.
2016 جىلى ماسكەۋدەگى «كوركەم ادەبيەت» باسپاسىندا اۆتوردىڭ ءتورت تومدىق تاڭداۋلى شىعارمالارى باسىلىپ شىقتى.
دۋلات يسابەكوۆ ءتورت تومدىق جيناعى جايلى ايتا كەلە, كەيبىر شىعارمالاردى رەداكتسيالاعانىن مالىمدەدى. سونداي-اق ول بۇرىن اۋدارىلماعان تۋىندىلاردى اۋدارۋعا كومەكتەسكەن اۋدارماشىلاردىڭ باعا جەتپەس ەڭبەگىن اتاپ ءوتتى.
«وسىنىڭ ارقاسىندا ەكى توم پروزا مەن ەكى توم دراماتۋرگيا جارىق كوردى. بۇل مەنىڭ ءتورت تومدىعىمنىڭ ماسكەۋدەگى تۇساۋكەسەرى. ونىڭ ءبىرىنشى تانىستىرىلىمى الماتىدا ءوتتى», دەدى جازۋشى.
د.يسابەكوۆ بولاشاقتاعى جوسپارلارىمەن بولىسە وتىرىپ, لوندوندا ەڭبەكتەرىنىڭ تۇساۋكەسەرى وتەتىنىن حابارلادى.
«4 ماۋسىم كۇنى لوردتار پالاتاسىندا مەنىڭ اعىلشىن تىلىندەگى تۋىندىلارىمنىڭ تۇساۋكەسەرى وتەدى. سونىمەن قاتار, كورولدىك تەاتردا مەنىڭ پەسامنىڭ پرەمەراسى بولادى», دەدى ول.
«دۋلات يسابەكوۆتىڭ تۋىندىلارىن شىعارۋ تۋرالى ۇسىنىستار وقىرمانداردان كەلىپ ءتۇستى. بۇل تاپسىرىستى الماتى وبلىستىق كىتاپحاناسى ۇسىندى», دەدى گ.پرياحين, ءتورت تومدىقتىڭ 3-6 ماۋسىم ارالىعىندا ماسكەۋدەگى «قىزىل الاڭ» كىتاپ فەستيۆالىندە ۇسىنىلاتىنىن ايتا وتىرىپ.
