ۆ15, ۆ25, ۆ35 ماركالى بەتون «تەڭىزشەۆرويل» جشس-ءنىڭ كەڭەيتۋ جوباسىنا قاجەت. وتاندىق «نەفتەسترويسەرۆيس لتد» كومپانياسى قولعا العان زاۋىتتىڭ ءونىمى حيميالىق تۇراقتىلىعى مەن بەرىكتىگى, توزىمدىلىگى جاعىنان جوعارى باعاعا يە. مەكەمە ينجەنەرى ميحايل چارلين بەتون ءوندىرۋدىڭ بارلىق ۇدەرىسى اۆتوماتتاندىرىلعانىن ايتادى. ءونىم دايىنداۋ ازىرلەمەلەرى كومپيۋتەر جادىنا ەنگىزىلگەن. قازىرگى زامانعى تەحنولوگيالاردى پايدالانۋ ارقىلى ارنايى قالدىقتاردى باسقارۋعا دا بولادى ەكەن. سونىڭ ناتيجەسىندە قايتا پايدالانۋعا بولاتىن تەحنيكالىق سۋ مەن قۇم-قيىرشىق تاس قوسىندىسى الىنادى. قازىر بەتون زاۋىتى العاشقى تاپسىرىستارىن قابىلداي باستادى. «بۇل زاۋىت «تەڭىز» كەن ورنىن كەڭەيتۋ جۇمىستارى ءۇشىن سالىندى. قۇرىلىس جۇمىستارىنا 500 ادام قاتىستى. زاۋىتتا 30 ينجەنەر قىزمەت ىستەيدى. الداعى ۋاقىتتا جۇمىسشىلار سانى كوبەيەدى», دەيدى «نەفتەسترويسەرۆيس لتد» جشس-ءنىڭ مەنەدجەرى ءامينا اقدراشەۆا. كومپانيا زاۋىتتان بولەك ەكى سۋ رەزەرۆۋارىن, بەتون ساپاسى مەن قۇرامىن تەكسەرەتىن زەرتحانا جانە جۇمىسشىلارعا ارنالعان اسحانا مەن كەڭسە عيماراتىن سالۋدى جوسپارلاپ وتىر.
باقىتگۇل باباش,
«ەگەمەن قازاقستان»
اتىراۋ
