شارا نەگىزىنەن ەلىمىزدىڭ وزىق وتىز ەلدىڭ قاتارىنا كىرۋ جانە ەكونوميكالىق ىنتىماقتاستىق جانە دامۋ ۇيىمىنىڭ ستاندارتتارىنا سايكەستەندىرۋ باعىتىنداعى مىندەتتەرىن مەجەلەۋ ماقساتىندا قولعا الىنعان. مونيتورينگكە سايكەس, شەت ەل قارجىسىنان دەمەۋشىلىك العان زاڭدى جانە جەكە تۇلعالار 10 جۇمىس كۇنى ىشىندە مەملەكەتتىك كىرىستەر ورگاندارىنا اقشانى العانى تۋرالى حابارلاۋعا جانە ودان ءارى توقسان سايىن ەسەپ بەرۋگە مىندەتتى.
نەگىزگى ءتارتىپ بويىنشا, ەسەپتىلىكتى تابىس ەتۋدىڭ ءبىرىنشى كەزەڭى (ف.017.00) 10 جۇمىس كۇنى ىشىندە جۇزەگە اسىرىلسا, ال ەكىنشى كەزەڭ «018.00» – توقسان سايىن جۇرگىزىلەدى. بۇل ەكىنشى ايدىڭ 15-ىنەن كەشىكتىرىلمەۋى ءتيىس. مۇندا اقشانىڭ نەمەسە م ۇلىكتىڭ جۇمسالعان سوماسى تۋرالى ەسەپ بەرىلۋى كەرەك. ياعني, 1 تەڭگەدەن اساتىن سومادا جاسالعان مامىلەلەر, قىزمەت تۇرلەرى كورسەتىلەدى. اتاپ ايتقاندا, ازاماتتار مەن ۇيىمدارعا زاڭ كومەگىن كورسەتۋ, سونىڭ ىشىندە قۇقىقتىق اقپاراتتاندىرۋ, كەڭەس بەرۋ, مۇددەلەرىن قورعاۋ; زەرتتەۋ جانە ساۋالناما جۇرگىزۋ (قوعامدىق پىكىردى, الەۋمەتتىك ساۋالنامالاردى قوسپاعاندا, كوممەرتسيالىق ماقساتتا جۇرگىزىلەتىن ساۋالنامالار), سونداي-اق, ولاردىڭ ناتيجەلەرىن تاراتۋ جانە ورنالاستىرۋ; جيناۋ, تالداۋ جانە اقپاراتتى تاراتۋدا كوممەرتسيالىق ماقساتتا كورسەتىلگەن قىزمەتتى جۇزەگە اسىرۋ.
مالىمەتتەر تۇرعىلىقتى جەرى نەمەسە ورنالاسقان جەرىندەگى مەملەكەتتىك كىرىستەر ورگاندارىنا قاعاز جانە ەلەكتروندى تاسىمالداۋ ارقىلى جىبەرىلەدى. شەت ەلدەن, حالىقارالىق جانە شەتەلدىك ۇيىمداردان, شەتەلدىكتەردەن, ازاماتتىعى جوق ادامداردان الىنعان اقشا نەمەسە وزگە دە م ۇلىك تولىق جۇمسالعان سوڭ, مالىمەت بەرۋ تولىق توقتاتىلادى.
ال اقشانى العانى تۋرالى حابارلاۋ تالابىن ەلەمەگەن جاعدايدا اكىمشىلىك جاۋاپكەرشىلىك قاراستىرىلعان. قوسىمشا اقپارات الۋ ءۇشىن مەملەكەتتىك كىرىستەر ورگاندارىنا نەمەسە مىنا تەلەفونعا حابارلاسۋعا بولادى: 8 (717) 2 37-92-89. 87474598764.
قۋانىش نۇركەن,
استانا قالاسىنىڭ الماتى اۋدانى بويىنشا مەملەكەتتىك كىرىستەر باسقارماسىنىڭ باس مامانى
