وتىرىس بارىسىندا جاستار ساياساتىنىڭ وڭىردە جۇزەگە اسىرىلۋى مەن جەر قويناۋىن پايدالانۋدىڭ زاڭدىلىقتارى قارالدى.
كۇن تارتىبىندەگى ءبىرىنشى ماسەلە بويىنشا بايانداما جاساعان وبلىستىق جاستار ساياساتى ماسەلەلەرى جونىندەگى باسقارماسى باسشىسى ب.ناربەكوۆا ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىنداعى تۋعان جەر باعدارلاماسى اياسىندا استانا قالاسىمەن جانە قاراعاندى, جامبىل, قىزىلوردا وبلىستارىنىڭ جاستار ساياساتى ماسەلەلەرى باسقارمالارىمەن ەكى جاقتى مەموراندۋم تۇزىلگەنىن ءمالىم ەتتى.
جاستارعا ارنالعان مەملەكەتتىك باعدارلامالاردىڭ ورىندالۋىندا دا بىرقاتار جەتىستىكتەردى اتاپ وتكەن ول «ديپلوممەن اۋىلعا» باعدارلاماسى بويىنشا وسى جىلى 80 مامان باسپانالى بولىپ, 315 جاس مامان جۇمىسقا ورنالاستىرىلعانىن ايتتى. ال ورتاشا جالاقىسى 56 725 تەڭگەنى قۇرايتىن «جاستار پراكتيكاسىمەن» 1120 جۇمىس بەرۋشى مەكەمەگە 3005 جاس جولدانعانىن اتاپ ءوتتى. بۇدان بولەك, باسقارما باسشىسى ستاتيستيكالىق مالىمەتتەردى حابارلاپ, اتقارىلعان جۇمىستار مەن الداعى جۇمىس جوسپارىن بايان ەتتى.
بايانداماشىنى مۇقيات تىڭداعان ايماق باسشىسى ستاتيستيكالىق مالىمەتتەرمەن دايىندالعان باياندامانىڭ سالدارىنان ارعى جاعىنداعى ادام تاعدىرىن كورالماي وتىرمىز دەدى.
«وبلىستا جاستار سانى 800 مىڭعا جۋىق, ولاردىڭ ىشىندە 65 مىڭنان استامى جوعارعى وقۋ ورنىندا وقىسا, كاسىپتىك-تەحنيكالىق كوللەدجدەردە 70 855 ستۋدەنت ءبىلىم الادى. وسى جاستارىمىزدىڭ اراسىنداعى قۇقىقبۇزىشىلىق پەن وزىنە ءوزى قول جۇمساۋ فاكتىلەرى ءوسىپ وتىر. ورىن العان جاعداي, جاستارعا ارنالىپ اشىلعان كريزيستىك ورتالىقتىڭ جانە مەكتەپ جانىنداعى پسيحولوگ مامانداردىڭ جۇمىسىنىڭ تيىمسىزدىگىنىڭ سالدارى مەن وبلىستىق تەلەارنالاردا جاستار باعىتىندا تاربيەلىك ماعىناسى بار قىزىقتى باعدارلامالاردىڭ جوقتىعىنىڭ داقاتىسى بار»,-دەدى اكىم.
وسىعان وراي, وبلىس اكىمى جاستارعا ارنالعان ينتەلەكتۋالدىق دەبات ويىندارى مەن ارنايى جاستار باعدارلامالارىن ازىرلەۋدى تاپسىردى. سونىمەن قوسا ج.تۇيمەباەۆ ەشبىر وبلىستا بىزدەگى سياقتى 12 جوعارعى وقۋ ورنى مەن كاسىپتىك ءبىلىم بەرەتىن 90 كوللەدجدىڭ جوق ەكەنىن تىلگە تيەك ەتىپ, وسى رەتتە ءبىز بۇكىل ەلىمىزدىڭ ايماعىنا ۇلگى بولۋىمىز قاجەت دەپ ايتتى.
ءبىرىنشى ماسەلەنى قورىتىندىلاعان ءوڭىر باسشىسى جاستار تاربيەسىنە قاتىستى سالا باسشىلارىنا, ونىڭ ىشىندە جوعارعى وقۋ ورىندارى مەن كوللەدج ديرەكتورلارىنا بىرقاتار تاپسىرمالار جۇكتەدى.
ەندى اتالعان مەكەمەلەر قۇزىرلى ورگاندارمەن بىرلەسىپ, وبلىس بويىنشا جاستاردىڭ قاتىسۋىمەن قىلمىس كوپ ورىن الاتىن ورىنداردىڭ ءتىزىمىن جاساقتاپ, قىلمىستىڭ الدىن الۋ بويىنشا ناقتى شارالار قابىلداۋى كەرەك. سونىمەن قاتار, اكىم وبلىستاعى بارلىق تەلەارنالاردا اپتاسىنا ءبىر رەت جاستار باعدارلاماسىن اشۋدى جانە وبلىستىق جاستار ساياساتى ماسەلەلەرى جونىندەگى باسقارماسىنىڭ «جاستار رەسۋرستىق ورتالىعى» جانىنان جاس كوشباسشىلار مەكتەبى قۇرىلۋىن جۇكتەدى. ال, «سەرپىن-2050» باعدارلاماسى اياسىندا ورتا ارناۋلى وقۋ ورىندارىنا اۋىل جاستارىن تارتۋدى, وبلىس بويىنشا قۇرىلىسى جۇرگىزىلىپ جاتقان نىسانداردا تۇرعىلىقتى جۇمىسسىز جاستاردى تارتۋ بويىنشا قالا, اۋدان اكىمدەرىمەن بىرلەسكەن شارالار قابىلداۋدى, بارلىق مادەنيەت ۇيلەرى مەن كلۋبتاردا جاستارعا ارنالعان ۇيىرمەلەر اشۋدى مىندەتتەدى.
