جينالعان كوپشىلىك كەشەننىڭ كونفەرەنتسيا زالىندا اكامەديك, ءىرى عالىم الكەي مارعۇلاندى ارداقتاۋمەن بىرگە ەلباسىمىز نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» اتتى ماقالاسىندا ۇسىنىلعان «تۋعان جەر» باعدارلاماسىن تالقىلادى.
شارانى ۇيىمداستىرۋشىلار – ءا.مارعۇلان اتىنداعى №40 ورتا مەكتەپتىڭ مۇراجاي قىزمەتكەرلەرى. سوعان بايلانىستى №40 ورتا مەكتەپتىڭ ديرەكتورى ەربول ىرگەباەۆ پىكىرىن بىلدىرگەن ەدى.
ء«بىز 4 جىل بۇرىن تاۋەلسىزدىك سارايىندا عۇلاما عالىمعا ارنالعان رەسپۋبليكالىق كورمە وتكىزگەن بولاتىنبىز. بۇگىن سول ءداستۇر جالعاسىن تاۋىپ الكەي اتامىزدىڭ ۇرپاققا قالدىرعان اماناتىن جاڭعىرتۋ , ەلباسىمىزدىڭ «تۋعان جەر» باعدارلاماسىن جاستارعا ۇعىندىرۋ ماقساتىندا وسى ءىس-شارانى ۇيىمداستىرىپ وتىرمىز. وسكەلەڭ ۇرپاق ءوز تاريحىن, دانالارىن ايىرىقشا ءبىلۋى كەرەك, سوندا ءبىزدىڭ ماڭگىلىك ەل اتانۋ مۇراتىمىز ايقىن, ايشىقتى بولماق» دەدى, مەكتەپ باسشىسى.
ءسىرا, اقىن, قوعام قايراتكەرى عۇمار قاراشتىڭ:
اۋەلى قولدان كەلسە ەلىڭدى ءسۇي
ەلى ءۇشىن ەڭبەك ەتكەن ەرىڭدى ءسۇي
قاعباعا تاۋەپ ەتۋ كەرەك بولسا,
كىر جۋىپ كىندىك كەسكەن جەرىڭدى ءسۇي.
دەگەن ولەڭ جولدارى وسىنداي دۇنيەلەرگە ارنالسا كەرەك-ءتى.
وتىرىسقا ەربول ىسلام ۇلىمەن بىرگە, پروفەسسور جامبىل ومار ۇلى, ەۇۋ فيلولوگيا فاكۋلتەتىنىڭ وقىتۋشىسى جۇماعۇل ساعىنباي, ءا.مارعۇلان اتىنداعى №40 مەكتەپ مۇراجايىنىڭ مەڭگەرۋشىسى ساۋلە جۇمابەكقىزى جانە وسى ءبىلىم ۇياسىنىڭ وقۋشىلارى قاتىستى. ءىس-شارا سوڭىندا ونەرلى ورەندەر ءان ايتىپ, ولەڭ وقىپ ءوز ونەرلەرىن ورتاعا سالدى.
ەسكە سالا كەتسەك, جۋىردا «اتامەكەن» قازاقستان كارتاسى» ەتنو-مەموريالدىق كەشەنى «ەكسپو-2017» كورمەسىنە وراي قايتا جاڭارۋىنا بايلانىستى اشىلۋ سالتاناتىن وتكىزبەك.
ازامات ماۋلەن ۇلى
