ءمينيستردىڭ ايتۋىنشا, وسىعان دەيىن بىزدە ونداي زاڭ بولعان ەمەس. «بۇل وتە كەرەكتى زاڭ. ءالى كۇنگە دەيىن بىزدە لوتەرەيا تۋرالى زاڭ بولعان ەمەس. بۇل سالانى وزدەرىڭىز بىلەسىزدەر, ءتۇسىم وتە كوپ. مەملەكەتكە قانداي سالىقتار تولەنىپ جاتىر, پايداسىن كىمدەر كورۋدە دەگەن ساۋالدارعا ءبىز جاۋاپ بەرە المايتىنبىز. ەندى ول زاڭنىڭ ارقاسىندا جۇيەگە قويىلدى. ءبارى اشىق بولادى», دەگەن مينيستر ويىننان تۇسكەن تابىستىڭ ون بەس پايىزى سپورت سالاسىن دامىتۋعا جۇمسالاتىنىن مالىمدەدى.
ەكىنشىدەن, ويىن يندۋسترياسى بويىنشا ەڭ مىقتى دەگەن كومپانيالاردان وكىلدەر شاقىرىلعان. مينيستر لوتەرەيا سالاسى جاقسى داميتىن بولسا, بۋكمەكەرلىك مەكەمەلەردە جۇمىس ىستەيتىن جاستاردى دا وسى سالاعا الىپ كەلۋگە مۇددەلى ەكەندىكتەرىن جەتكىزدى.
ايگۇل سەيىلوۆا,
«ەگەمەن قازاقستان»
