«حالىق اراسىندا وبلىستىق بيۋدجەتتىڭ باسىم بولىگى فۋتبولعا, سونىڭ ىشىندە «شەتەلدىك ويىنشىلارعا جۇمسالادى» دەگەن نارازىلىق بار. بۇل - وتە ورىندى ماسەلە. بىلايشا ايتقاندا, ء«بىزدىڭ باسقا سپورت تۇرلەرىمىز نەگە دامىمايدى؟» دەگەن سۇراق تۋىندايدى. سول ءۇشىن ءبىز ءاربىر وبلىستىڭ اكىمدىگىمەن بىرىگىپ, بىرىڭعاي ءتىزىمدى جاسايمىز. ماسەلەن, شىعىس قازاقستاندا قىسقى سپورت تۇرلەرى جاقسى دامىعان. شاڭعى, فريستايل, بۇدان بولەك ولگا رىپاكوۆانىڭ جەتىستىكتەرىن ەسكەرە وتىرىپ, جەڭىل اتلەتيكانى دامىتۋ قاجەت. سولاردىڭ ءتىزىمى جاسالادى, وبلىستىق بيۋدجەتتىڭ قاراجاتى سوعان قاراي باعىتتالادى», - دەدى مۇxامەدي ۇلى بۇگىن قوعامدىق كەڭەس الدىنداعى ەسەپ بەرۋ كەزدەسۋى كەزىندە. ءمينيستردىڭ ايتۋىنشا, وڭتۇستىك قازاقستان مەن جامبىل وبلىستارىندا قازاقتىڭ ۇلتتىق ويىندارىنا نەگىزگى باسىمدىق بەرىلەدى. «بۇعان دەيىن اتالعان وڭىرلەردە وبلىستىق بيۋدجەتتەن دۇرىس اقشا بولىنبەيتىن ەدى. جاڭا ايتىپ جاتىرمىز عوي, ءبارىن فۋتبولعا جۇمسادى. قازىر ءبىز ءتىزىمىن جاسايمىز دا, قاي وڭىردە قاي سپورتتىڭ ءتۇرى جاقسى دامىعان, اقشانى الدىمەن سوعان بولەتىن بولامىز», - دەپ اتاپ ءوتتى مينيستر.
