«الەمدىك تاجىريبەگە سۇيەنسەك, قازاقستاندا ادۆوكاتۋرا ينستيتۋتىن دامىتۋ ءۇشىن «Probono» جۇيەسىن ەنگىزۋ قاجەت. ال ونى ەنگىزۋ ءۇشىن ادۆوكاتتاردى ازاماتتارعا زاڭگەرلىك كومەكتى جىلىنا ءتيىستى ساعاتتار كولەمىندە بيۋدجەتتىك وتەۋسىز كورسەتۋگە مىندەتتەۋ قاجەت. سونىمەن قاتار, قورعاۋشى توقسان سايىن القاعا اتالعان كومەكتى كورسەتۋ بويىنشا ەسەبىن تانىستىرۋى ءتيىس», دەدى مينيستر ماجىلىستەگى ۇكىمەت ساعاتىندا.
ونىڭ اتاپ وتۋىنشە, «Probono» جۇيەسى حالىقتىڭ الەۋمەتتىك ءالسىز توبىنا اقىسىز زاڭگەرلىك كومەكتى قامتاماسىز ەتۋ قادامىن ەسكەرەدى.
«ازاماتتاردىڭ زاڭگەردى تاڭداۋ كەزىندە بۇل جۇيە ەڭ ماڭىزدى ولشەم بولىپ ەسەپتەلەدى. «Probono» اياسىنداعى ساپالى جۇمىس زاڭگەرگە سەنىمدى ارتتىرادى جانە ول ءۇشىن تابىستىلىقتىڭ سالماقتى نىشانى بولادى», دەيدى بەكەتاەۆ.
بۇدان بۇرىن حابارلانعانداي, مينيستر قازاقستاندا قورعاۋشىلار جەتىسپەيتىندىگىن جانە ولاردىڭ قىزمەتىنىڭ قۇنى ازاماتتار ءۇشىن تىم قىمبات ەكەنىن ايتقان بولاتىن.
