«قازىرگى ۋاقىتتا استانادا 180-گە جۋىق قوناقۇي جۇمىس ىستەيدى. ەكسپو كەزەڭىندە تاعى 11 قوناقۇي اشۋ جوسپارلانۋدا. قوناقۇي قورى 13 مىڭ ورىندى قۇرايدى. سونداي-اق, 45 حوستەل جۇمىس ىستەيدى. ەكى اپتادان كەيىن بىزدە 400 ورىندىق حوستەلدەر ىسكە قوسىلادى», دەدى «استانا كونۆەنشن بيۋرو» جشس ديرەكتورىنىڭ ورىنباسارى اسقار ادامبەكوۆ.
ول حوستەلدەردە - ەۋروپادا جانە الەمنىڭ دامىعان ەلدەرىندەگىدەي جاعدايلار قاراستىرىلعان. ونىڭ باستى ەرەكشەلىگى - ورنالاسۋدىڭ بيۋدجەتتىك نۇسقاسى. جالعا الۋ قۇنى 5 مىڭ تەڭگەدەن اسپايدى. حوستەلدەر كورمەنى 300-گە جۋىق ورىنمەن قامتاماسىز ەتەدى دەپ جوسپارلانۋدا.
«2016 جىلى قازاقستان حوستەل قاۋىمداستىعىن قۇردىق جانە وندا تۇرۋ باعاسى 5 مىڭ تەڭگەدەن اسپايتىنداي ۋاعدالاستىق», دەپ ەسكە سالدى «استانا كونۆەنشن بيۋرو» باسشىسىنىڭ ورىنباسارى.
ونىڭ ايتۋىنشا, قازىرگى تۇرعىلىقتى جەردىڭ بيۋدجەتتىك ءتۇرى استانادا عانا ەمەس, الماتى, اقتوبە, قازاقستاننىڭ باسقا دا قالالارىندا كەڭىنەن تانىلا تۇسۋدە. كورمە قوناقتارى اراسىندا حوستەلگە دەگەن سۇرانىس ەرەكشە بولادى دەپ جوسپارلانۋدا.
