سالتاناتتى شاراعا شىۇ باس حاتشىسى راشيد اليموۆ قاتىستى. ول شتاب-پاتەردىڭ قوناقتارىنا پاۆيلوننىڭ قىزمەتى تۋرالى تولىعىراق اقپارات بەرىپ, شىۇ ءوز تاريحىندا العاش رەت حالىقارالىق كورمەنىڭ جۇمىسىنا قاتىسىپ جاتقانىن اتاپ ءوتتى.
باس حاتشى كورمە جۇمىسىنىڭ باستالۋ مەرزىمى شىۇ-عا مۇشە-ەلدەردىڭ باسشىلارى كەڭەسىنىڭ وتىرىسىمەن تۇسپا-تۇس كەلەتىندىگىن اتاپ ءوتتى.
«بولاشاق ەنەرگياسىنا ارنالعان EXPO-نىڭ تاقىرىبى شىۇ «شانحاي رۋحى» ەنەرگياسىمەن تۇتاسىپ تۇر», دەپ مالىمدەدى راشيد اليموۆ.
سونداي-اق, ديپلومات شىۇ پاۆيلونىنىڭ جۇمىسى بارىسىندا ۇيىم قىزمەتىنىڭ ءتۇرلى اسپەكتىلەرىنە ارنالعان ءىس-شارالار وتەتىندىگىن حابارلادى.
ء«بىز EXPO باسشىلىعىمەن كورمە اياسىندا 27 تامىز «شىۇ كۇنى» رەتىندە اتالىپ وتەتىندىگى جونىندە كەلىسىم جاسادىق. ءدال وسى كۇنى استانادا شىۇ حالىقارالىق مارافونى وتەدى, وعان 5 مىڭنان استام ادام قاتىسادى دەپ كۇتىلۋدە. الدا وتە ماڭىزدى باعدارلاما تۇر, وسىعان وراي بارشاڭىزدى استاناداعى شىۇ پاۆيلونىنا شاقىرامىن», دەپ تۇيىندەدى ۇيىمنىڭ باس حاتشىسى.
