جيىندى اشقان جوعارعى سوت توراعاسى ق.ءمامي بيىلعى جىلى جوعارعى سوتتىڭ جالپى وتىرىسىنىڭ قاۋلىسىنا سايكەس كەڭەستىڭ قۇرامى 15 ادامعا جاڭارعانىن اتاپ ءوتتى. توراعانىڭ مالىمدەۋىنشە, كەڭەس قۇرامىنا رەسەي مەملەكەتتىك سوت تورەلىگى ۋنيۆەرسيتەتى قىلمىستىق سوت ءىسىن جۇرگىزۋ ءبولىمىنىڭ مەڭگەرۋشىسى, زاڭ عىلىمدارىنىڭ دوكتورى وكسانا كاچالوۆا, انگليا جانە ۋەلس ( ۇلىبريتانيا) جوعارعى سوتتارىنىڭ ادۆوكاتى, «ستراتەگيالىق باستامالار ورتالىعى» سەرىكتەستىگىنىڭ سەرىكتەسى كيريلل زەنين, تاللينن وكرۋگتىك سوتىنىڭ جانە ەۋرودجاست قاداعالاۋشى سوتىنىڭ سۋدياسى پاۆەل گونچارەۆ قوسىمشا مۇشە بولىپ كىرگەن.
«بۇل كەڭەس مەملەكەت باسشىسىنىڭ تاپسىرماسىن ورىنداۋ ماقساتىندا قۇرىلدى. جۇمىس ىستەي باستاعانىنا ءبىر جىلدان استام ۋاقىت وتكەنىنە قاراماستان حالىقارالىق كەڭەس ينستيتۋت رەتىندە قالىپتاستى. ونىڭ قىزمەتى حالىقارالىق پراكتيكا تۇرعىسىنان سوت تورەلىگىن جۇزەگە اسىرۋ جۇمىسىنا ۇسىنىمدار مەن تۇجىرىمدار بەرۋىمەن ماڭىزدى», – دەدى ق.ءمامي.
قۇقىق قورعاۋشىلاردىڭ ايتۋىنشا, كەڭەس مۇشەلەرىنىڭ بەلسەندى قىزمەتىنىڭ ناتيجەسىندە العاش رەت ينۆەستيتسيالىق داۋلاردى قاراۋ بويىنشا ادىستەمەلىك تۇسىندىرۋلەر ازىرلەنگەن. اسىرەسە, ينۆەستورلاردىڭ قاتىسۋىمەن بولاتىن داۋلار بويىنشا بەلگىلى ءبىر ۇسىنىمدار دايىنداۋ ماقساتىندا مەملەكەتتىك ورگاندار وكىلدەرى مەن ينۆەستورلاردىڭ قاتىسۋىمەن كەزدەسۋلەر ءوتىپ, ناقتى سوت ىستەرى بويىنشا پروتسەستىك زاڭناما شەڭبەرىندە قورىتىندىلار جيناقتالعان. سوندىقتان بيىلعى جۇمىس جوسپارىندا ساراپشىلاردىڭ ۇسىنىستارىن ەسكەرە وتىرىپ, قىلمىستىق جانە ازاماتتىق سوت ءىسىن جۇرگىزۋدىڭ وزەكتى ماسەلەلەرى ەنگىزىلىپ وتىر.
جيىندا جوعارعى سوتتىڭ مامانداندىرىلعان سوت القاسىنىڭ ءتورايىمى ايگۇل قىدىرباەۆا كەڭەس جۇمىسىنىڭ وتكەن جىلعى ناتيجەلەرى مەن العا قويىلعان جوسپارلارى تۋرالى باياندادى. سونىمەن قاتار, «قازبار» قازاقستانداعى كوممەرتسيالىق زاڭگەرلەر قاۋىمداستىعىنىڭ باسقارۋ كەڭەسىنىڭ ءتورايىمى, حالىقارالىق كەڭەستىڭ مۇشەسى ايگۇل كەنجەباەۆا دا سوت جۇيەسىن جاڭعىرتۋمەن قاتار, رەفورمالاۋ سوتتا مۇددەلەرگە وكىلدىك ەتۋ ينستيتۋتىنا ىقپال ەتۋى تيىستىگى جونىندە ءسوز سويلەدى.
ورايى كەلگەندە ءوز ويىن بىلدىرگەن جوعارعى سوت توراعاسى قۇقىقتىق مەملەكەتتەردىڭ رەيتينگى زاڭ ۇستەمدىگى يندەكسى, سونىڭ ىشىندە, قىلمىستىق سوت تورەلىگىنىڭ كورسەتكىشتەرى بويىنشا انىقتالاتىندىعىنا توقتالدى.
«وزدەرىڭىزگە ءمالىم, قازاقستاننىڭ قازىرگى تاڭداعى قىلمىستىق ساياساتى ىزگىلەندىرۋگە جانە قىلمىستىق قۇقىق بۇزۋشىلىقتاردى قىلمىسسىزداندىرۋعا باعىتتالعان, سونىڭ ىشىندە شىن مانىندەگى باس بوستاندىعىنان ايىرۋ جازاسى ايىپپۇل سالۋ جازاسىنا اۋىستىرىلۋدا», – دەدى ق.ءمامي.
جيىن سوڭىندا جوعارعى سوت توراعاسى كەڭەس مۇشەلەرى ا.كەنجەباەۆا مەن ي.پۋدەلكا, ك.ماستەرس پەن ج.ەلۋباەۆتى حالىقارالىق كەڭەس جۇمىسىنا بەلسەنە قاتىسىپ, قىزمەتتە كورسەتكەن كاسىبي شەبەرلىگى ءۇشىن جانە رەسپۋبليكانىڭ سوت جۇيەسىنىڭ دامۋىنا قوسقان ۇلەسى ءۇشىن العىس حاتتارمەن ماراپاتتادى.
نۇرلىبەك دوسىباي,
«ەگەمەن قازاقستان»
