شىعارمادا حح عاسىردىڭ باسىنداعى ساياسي جاعدايلارعا بايلانىستى اتاجۇرتتان الىستاپ فرانتسيا جەرىنە قونىس اۋدارىپ, كەيىننەن ءومىرىنىڭ سوڭعى ساتىندە قازاقستانعا دەگەن ماحابباتپەن ەلىنە اسىققان اسان قاريانىڭ ساعىنىشى, ونىڭ بۇل ارمان-تىلەگىن ورىنداۋعا بەكىنگەن قىزى ماقپالدىڭ باتىستىق تاربيەگە بەرىلىپ كەتكەن اعاسى ماراتپەن ارپالىسا ءجۇرىپ اكەسىن تۋعان توپىراعىنا اكەلگەنى سۋرەتتەلەدى.
ء«وزىمىز ەلدە جۇرگەن سوڭ بايقامايمىز, شەتەلدەن قازاق جەرىنە اسىققان قانداس باۋىرلارىمىزبەن سويلەسكەندە ولار تاريحي وتانىنا دەگەن ەرەكشە ساعىنىشىمىزدى, ىستىق سەزىمىمىزدى سوزبەن ايتىپ جەتكىزە المايتىندارىن ايتادى» دەيدى. ادام جاسى ۇلعايعان سايىن تۋعان جەردىڭ قادىرى مەن قاسيەتى ارتا بەرەدى. ءبىز وسى پەسا ارقىلى سونى كورەرمەنگە ۇعىندىرۋعا تىرىستىق», – دەدى شىعارما اۆتورى.
قويىلىمدى تاماشالاۋعا كوللەدج ستۋدەنتتەرى, مۇعالىمدەرىمەن قاتار جازۋشىنىڭ ونەردەگى, ومىردەگى دوستارى دا كەلدى.
قازىرگى قوعامنىڭ وزەكتى ءبىر ماسەلەسىنە اينالعان بۇل تاقىرىپ كوزى قاراقتى كورەرمەننىڭ ويىن بايىتىپ, اتامەكەنگە دەگەن ماحابباتىنىڭ ارتۋىنا سەبەپشى بولعانى ءسوزسىز. جينالعان قاۋىم لايىم وسىنداي تۋىندىلار كوبەيە بەرسىن دەپ تارقاستى.
ايتسا كەتسەك, وسىعان دەيىن بۇل سپەكتاكلدى قوستاناي وبلىستىق جانە سەمەي قالالىق تەاترلارى ساحنالاعان بولاتىن.
ازامات ماۋلەن ۇلى
