ساپارىنىڭ العاشقى كۇنى ول «اتامەكەن» كاسىپكەرلەر پالاتاسىندا كاسىپكەرلەرمەن كەزدەستى, «ادال ۇرپاق» پاتريوتتار كلۋبىنىڭ سلەتىنە قاتىستى. اگەنتتىكتىڭ ەتيكا جونىندەگى كەڭەسىن وتكىزدى, «نۇر وتان» پارتياسىنىڭ وبلىستىق فيليالىنىڭ قوعامدىق قابىلداۋىندا بولدى.
سونىمەن قاتار, ا.شپەكباەۆ ا.بايتۇرسىنوۆ اتىنداعى قوستاناي مەملەكەتتىك ۋنيۆەرسيتەتىندە وبلىستاعى جوعارى وقۋ ورىندارىنىڭ باسشىلارىمەن, ستۋدەنت جاستارمەن كەزدەستى. ول ەلىمىزدە قوعامدىق كەسەلگە قارسى جۇرگىزىلىپ جاتقان جۇمىستارعا توقتالدى.
«سىبايلاس جەمقورلىقتىڭ تامىرىن جويۋدا نەگىزىنەن ونىڭ الدىن الۋ شارالارىنا كوڭىل بولىنەدى. قوعامداعى ج ۇلىنقۇرت سەكىلدى بۇل دەرتكە قارسى كۇرەستى دارىگەرلەر جۇمىسىمەن سالىستىرۋعا بولادى. دارىگەرلەر اۋرۋدىڭ قاۋىپى, ونىڭ الدىن الۋ, اۋىرماۋ تۋرالى الدىمەن ادامدارعا ءتۇسىندىرۋ جۇمىستارىن جۇرگىزەدى, ال اۋىرسا ءدارى بەرەدى, ەمدەيدى, وعان كونبەسە وپەراتسيا جاساپ, سىلىپ الىپ تاستاۋعا تۋرا كەلەدى. سىبايلاس جەمقورلىق قوعامدى ىشتەي ىرىتەتىن, ەكونوميكالىق-الەۋمەتتىك دامۋدى تەجەيتىن كەسەل ەكەنىن ادامدارعا تۇسىندىرەمىز. زاڭ, ەرەجە بۇزعانداردى ەسكەرتەمىز, جوندەيمىز, وعان كونبەگەندەردىڭ ءىسى سوتتا قارالىپ, جازاسىن الادى» – دەدى ا.شپەكباەۆ.
اگەنتتىك توراعاسىنىڭ ورىنباسارى قوعامدا جاستاردىڭ سىبايلاس جەمقورلىققا توزبەۋ, وعان قارسى كوزقارسىن قالىپتاستىرۋ كەرەكتىگىن ايتتى. ول ءۇشىن ءبىلىم وردالارىنداعى جاستارمەن جۇمىستار, ەڭ الدىمەن وتباسىنداعى تاربيە ۇلكەن ورىن الاتىندىعىن تىلگە تيەك ەتتى. كەزدەسۋگە قاتىسۋشىلاردىڭ سۇراقتارىنا جاۋاپ بەردى.
ا.شپەكباەۆ ەكى كۇن بويى شارۋاشىلىقتاردا, قالالىق, اۋداندىق اكىمدىكتەردە, حالىققا قىزمەت كورسەتۋ ورتالىعىندا بولادى.
ءنازيرا جارىمبەتوۆا,
«ەگەمەن قازاقستان».
قوستاناي
