سونداي-اق وتىرىستا تۇراقتى كوميسسيا مۇشەلەرى بۇگىنگى ەگەمەندىك تالاپتارىنا سايكەس كەلمەيتىن توعىز كوشەنىڭ اتاۋىن دا قايتادان قاراستىرۋ جونىندە ءوز وي-پىكىرلەرىن ءبىلدىردى. بۇگىنگى تاڭدا وبلىس ورتالىعىنداعى جاڭا 14 كوشەگە اتاۋ بەرىلمەگەن. بۇل كوشەلەرگە ءتيىستى اتاۋلار بەرۋ جونىندە دە ماسەلە قوزعالدى.
«اتاۋلارىن وزگەرتۋ ۇسىنىلىپ وتىرعان كوشەلەر رەسپۋبليكالىق ونوماستيكالىق كوميسسيا تاراپىنان قولداۋ تاپتى. الداعى ۋاقىتتا بۇل ۇسىنىستار وبلىستىق ءماسليحات سەسسيالارىنىڭ بىرىندە بەكىتىلۋگە ءتيىس», – دەپ حابارلادى اقتوبە وبلىستىق تىلدەردى دامىتۋ باسقارماسىنىڭ باسشىسى گۇلايىم تولەباەۆا.
تەمىر قۇسايىن,
«ەگەمەن قازاقستان».
اقتوبە
