وسىمەن 7-ءشى رەت وتكەن حالىقارالىق جاستار فورۋمىنىڭ نەگىزگى ماقساتى – بىرلىك, مادەني-رۋحاني جانە ينتەگراتسيالىق بايلانىستاردى نىعايتۋ. العاش رەت «بىرلىك – ەدينستۆو.kz» فورۋمى 2011 جىلى وبلىستىق ەتنومادەني بىرلەستىكتەردىڭ جاستار قۇرىلىمى ۇيلەستىرۋ كەڭەسىنىڭ باستاماسىمەن وتكەن ەدى. وبلىستاعى جاستار بىرلەستىگى ۇيلەستىرۋ كەڭەسىنىڭ ءتورايى-
مى ەلينا ءپاۋليدىڭ ايتۋىنشا, بيىلعى جىلعى فورۋمدا جاستار اراسىنداعى ديپلوماتيالىق, ەتنوس-
ارالىق بايلانىس جانە تۇراقتىلىق پەن كاسىپكەرلىكتى دامىتۋ ماسەلەلەرى بويىنشا پىكىر الماسىلدى. ويتكەنى, جاستاردى بيزنەس قاتتى قىزىقتىرادى.
جيىن اياسىندا قاتىسۋشىلار س.تورايعىروۆ اتىنداعى مەملەكەتتىك ۋنيۆەرسيتەتتەگى پلەنارلىق وتىرىستارعا قاتىستى. سونداي-اق, ولار شەتەلدىك مەيماندارعا بيزنەس-ستارتاپ جوبالارىن ۇسىندى جانە ولارعا يننوۆاتسيالىق يدەيالارىن تانىستىردى. مىسالى, وقۋشى سوفيا كلوچكوۆا «اقىلدى روزەتكا» جاساپ شىعارىپتى. قۇرىلعى ۇيدە توكتان اجىراتۋعا ۇمىتىپ كەتكەن قۇرالداردى ۇيالى تەلەفون ارقىلى قاشىقتان سوندىرۋگە مۇمكىندىك بەرەدى. كورمە قوناقتارىن بار-جوعى 90 سەكۋند ىشىندە رۋبيك كۋبيگىن جينايتىن روبوت تاڭداندىردى. بۇل يدەيا اۆتورلارى – IT-HOUSE يننوۆاتسيالىق ءبىلىم بەرۋ ورتالىعىندا وقيتىن 4-ءشى سىنىپ وقۋشىلارى ءالىم باقىتجانوۆ پەن نۇرداۋلەت تويجان. ال جاس كاسىپكەر ءاليا قونىسباەۆا Tafella دەگەن جوباسى ارقىلى ءتاتتى تالقان, جاڭعاق قوسىلعان جەنتىنەن ءدام تاتىردى. ءاليا ۇلتتىق ءتاتتى ونىمدەرىن شەت ەلدەرگە شىعارۋدى ارماندايدى.
– پاۆلوداردى بولاشاق كاسىپكەرلەر قالاسى دەپ ايتۋعا بولادى. فورۋم بارىسىندا بايقاعانىمىزداي, جاستار بيزنەسكە وتە جاقىن. وسىنداي فورۋمدار وتكىزۋ وتە قاجەت ءارى پايدالى, – دەدى پلەحانوۆ اتىنداعى بيزنەس-ينكۋباتورى ينستيتۋتىنىڭ ديرەكتورى رۋسلان مامەدوۆ.
فاريدا بىقاي,
«ەگەمەن قازاقستان»
پاۆلودار وبلىسى
