جۇمىس ساپارىمەن گەرمانيادا بولدى

ساپاردىڭ نەگىزگى ماقساتى  – شەتەلدىك قۇقىق قورعاۋ مەن سوت ورگاندارىنىڭ جۇمىسى اياسىن­دا تاجىريبە الماسۋ مەن ءبولى­سۋ, ۇيرەنۋ ماقساتىندا ۇيىم­داس­تىرىلعان.
دەلەگاتسيا قۇرامىندا كونس­تي­تۋتسيالىق كەڭەستىڭ توراعاسى يگور روگوۆ, ىشكى ىستەر ءمي­نيسترى قالمۇحانبەت قاسىموۆ, مەم­لەكەتتىك قىزمەت ىستەرى جانە سىبايلاس جەمقورلىققا قار­سى ءىس-قيمىل اگەنتتىگىنىڭ توراعاسى قايرات قوجامجاروۆ, باس پرو­كۋ­روردىڭ ورىنباسارى ەر­لىك كەنەن­باەۆ, سونداي-اق, جوعارعى سوت, ۇقك, ۇلتتىق بيۋرو مەن مكد-ءنىڭ وكىلدەرى بولدى.
قازاقستاندىق دەلەگاتسيا باسشىسى تالعات دوناقوۆ نە­مىس ارىپتەستەرىنىڭ ىستىق ىقى­لاس­تارىنا العىسىن ءبىلدىردى. ءوزىنىڭ العى سوزىندە ول: «گەر­ما­نيا پروكۋراتۋراسىنىڭ جۇ­مىس ىستەۋىنىڭ ەرەكشەلىگى, اسىرەسە, قىل­مىستىق پروتسەسس قىزىق­تى­رادى. ءبىز قازاقستاننىڭ قۇقىق قور­عاۋ جۇيەسىن جەتىلدىرۋدىڭ بارى­سىن جاساۋ ۇستىندەمىز», دەپ اتاپ ءوتتى.
جۇمىس ساپارى شەڭبەرىندە دەلەگاتسيا ماينداعى فرانكفۋرت قالاسىنىڭ پروكۋراتۋراسى عي­ما­راتىندا بولدى. وندا نەمىس ارىپ­تەستەرىمىز وزدەرىنىڭ قىلمىس­تىق ىستەر بويىنشا سوتقا دەيىنگى ءوندىرىستىڭ ەرەكشەلىگى مەن ۆەدومستۆو جۇمىسىنىڭ ۇيىم­داس­­­تى­رىلۋ تارتىبىمەن ءبولىستى. سونى­­مەن قاتار, ۋچاسكەلىك سوت پەن قا­لالىق پوليتسيا باسقار­ما­لا­رى­نىڭ جۇمىسىمەن تانىستى.
ۆيسبادەن قالاسىندا گەسسەن جەرىنىڭ ادىلەت مينيسترلىگىنىڭ وكىل­دەرىمەن كەزدەسۋ ءوتتى.
ءوز كەزەگىندە پوليتسەيلەر بانديتيزمگە, ادام ءومىرى مەن باسقا دا مەنشىككە قاتىستى قىلمىستاردى تەرگەۋ تاجىريبەلەرىمەن ءبولىسىپ, پىكىر الماستى.