ۆيتسە-پرەمەر الدىمەن «شاعالى-اگرو» جشس-ءنىڭ ەگىس القابىنا كەلىپ, كوكتەمگى ناۋقان بارىسىمەن تانىستى. سەرىكتەستىك بيىل 22 مىڭ گەكتار جەرگە اۋىلشارۋاشىلىق داقىلدارىن ورنالاستىرماق. ونىڭ ء بىراز بولىگىن راپس, زىعىر سەكىلدى مايلى داقىلدار قۇرايدى. تاناپ باسىندا اگرارشىلارمەن وتكەن جيىندا دالا جۇمىستارىن جوعارى ۇيىمشىلدىقپەن جۇرگىزۋ جايتتارى ءسوز بولدى.
بۇدان ءارى ا. مىرزاحمەتوۆ «مولپرودۋكت» كاسىپورنىنا ايالدادى. زاۋىت ءسۇت ونىمدەرىنىڭ 35 ءتۇرىن شىعارادى. تسەحتار قايتا جاڭعىرتىلىپ, زاماناۋي قوندىرعىلارمەن جابدىقتالعان. پەتروپاۆل اۋىر ماشينا جاساۋ زاۋىتىن گاز-مۇناي سالاسىنا مامانداندىرىلعان. وسىندا وتاندىق اۋىل شارۋاشىلىق ماشينا قۇراۋ ءوندىرىسىن دامىتۋعا ارنالعان كەڭەس ءوتىپ, كەلەلى ماسەلەلەر تالقىلاندى. سوڭعى ءۇش جىلدا ءوڭىر اگروقۇرىلىمدارى 63,9 ملرد تەڭگەنىڭ 3689 تەحنيكا بىرلىگىن ساتىپ العان, ولاردىڭ قاتارىندا قازاقستاندىق ونىمدەر مول. ۆيتسە-پرەمەر اوك-ءتى دامىتۋدىڭ مەملەكەتتىك باعدارلاماسىنىڭ ءبىر مىندەتى اۋىلشارۋاشىلىق سالاسىن وزىق تەحنيكالارمەن جانە قۇرال-جابدىقتارمەن تولىقتىرۋ ەكەنىن اتاپ كورسەتتى. ونى دامىتۋدىڭ جول كارتاسى ازىرلەنگەن. وتاندىق وندىرۋشىگە قاراي بەيىمدەلۋ ءوز كەزەگىندە الىناتىن تەحنيكا كولەمىن 50-70 پايىزعا ۇلعايتىپ, جاڭعىرۋ ىرعاعىن 1,5-2 ەسە ارتتىراتىن بولادى.
وبلىستىق اكىمدىكتە قوستاناي جانە اقمولا وبلىستارى وكىلدەرىنىڭ قاتىسۋىمەن وتكەن وتىرىس كوكتەمگى دالا جۇمىستارىن جوعارى قارقىنمەن ۇيىمداستىرۋ ماسەلەلەرىنە ارنالدى. مينيسترلىكتەر مەن اكىمدىكتەر اراسىندا جاسالعان مەموراندۋمدار شەڭبەرىندە مايلى جانە جەمدىك, جارمالىق, مال ازىعى داقىلدارىن, قانت قىزىلشاسى ەگىستىگىن 900 مىڭ گەكتارعا دەيىن ۇلعايتۋ قاراستىرىلعان.
جيىندا اگروفيرما باسشىلارى وزدەرىن تولعانتقان سۇراقتاردى اسقار يسابەك ۇلىنا جولدادى.
پرەمەر-ءمينيستردىڭ ورىنباسارى – اۋىل شارۋاشىلىعى ءمينيسترى ايتىلعان ۇسىنىس-تىلەكتەردىڭ بارىنشا ەسكەرىلەتىنىنە, تولعاقتى ماسەلەلەردىڭ شەشىلەتىنىنە سەندىردى.
ءومىر ەسقالي,
«ەگەمەن قازاقستان»
