«اتا-انا باقىلاۋى» قىزمەتى بالالاردىڭ كورۋىنە بولمايتىن سايتتاردى بۇعاتتاۋعا جانە بالالاردىڭ قانداي رەسۋرستارعا كىرگەنى تۋرالى ەسەپ الۋعا, سونىمەن قاتار كۇماندى جاندارمەن قاىم-قاتىناسىن قاداعالاۋعا مۇمكىندىك بەرەدى.
بۇل قىزمەت ءبىر جاعىنان بەلگىلى ءبىر كۇندەر مەن ۋاقىتتى شەكتەۋ ارقىلى, وقۋ مەن ويىنعا ۋاقىت بولۋگە مۇمكىندىك بەرەدى. ءارى ينتەرنەتكە قوسىلعان بالالار قۇرىلعىلارى ارقىلى بالانىڭ جۇرگەن جەرىن انىقتاۋعا جاردەمدەسەدى, سونداي-اق بالا بەلگىلەنگەن اۋماقتان شىعىپ كەتەتىن بولسا, سيگنال بەرەدى.
Beeline قازاقستاننىڭ باس كوممەرتسيالىق ديرەكتورى ولەكساندر كوماروۆ ايتۋىنشا, كومپانيا ءبىر اي بۇرىن «قاۋىپسىز ينتەرنەت» رەسپۋبليكالىق ەرىكتىلەر جوباسىن ىسكە قوسىپ, قىزمەتكەرلەرى بارلىق قالالاردا وقۋشىلارعا جەلىدە ءوزىن قالاي قورعاۋ كەرەك ەكەنى تۋرالى اقپارات بەرگەن.
«بۇل شەشىم – ءبىزدىڭ بالالاردى قورعاۋ جونىندەگى كەشەندى باعدارلامانىڭ تەحنولوگيالىق بولشەگى. بالالارعا, جاسوسپىرىمدەرگە, پەداگوگتار مەن الەۋمەتتىك جۇمىسكەرلەرگە ارنالعان قوسىمشا ءبىلىم – جوبانىڭ ماڭىزدى قۇرامداس بولىگى بولىپ تابىلادى, ونى قازىر كەز كەلگەن ءبىلىم مەكەمەسى ءۇشىن ىڭعايلى مۋلتيمەديالىق فورماتتا الۋعا بولادى», دەيدى ورتا ازيا مەن موڭعولياداعى كاسپەرسكي زەرتحاناسىنىڭ باسقارۋشى ديرەكتورى ەۆگەني پيتولين.
ايناش ەسالي,
«ەگەمەن قازاقستان»
