سوڭعى شيرەك عاسىردا رەسەيدە باسىلعان قازاق جازۋشىسى سيرەك ەكەنى ايان. الايدا كەڭەس ۇكىمەتى ىدىراعانىمەن, جازۋشىنىڭ شىعارماشىلىعىنا دەگەن وقىرمانىنىڭ قىزىعۋشىلىعى جوعالماعانىن ماسكەۋدە باسىلعان «تاڭدامالى شىعارمالاردىڭ 4 تومدىق جيناعى» ايعاقتاپ وتىر.
كسرو مەملەكەتتىك سىيلىعىنىڭ لاۋرەاتى ءابدىجامىل نۇرپەيىسوۆتىڭ العى سوزىمەن باستالعان جيناققا جازۋشىنىڭ بۇعان دەيىن ماسكەۋدە جارىق كورگەن جانە بۇكىلوداققا دا تارالىپ ۇلگەرگەن تاڭداۋلى پروزالىق جانە درامالىق شىعارمالارى ەنگەن. جازۋشىنىڭ «وتچي دوم», «نوۆوسەلە ۆ ستاروم دومە» («سوۆەتسكي پيساتەل» - 1979, 1986), «ترانزيتنىي پاسساجير» («رۋسسكايا كنيگا» - 2002). كىتاپتىڭ 2 تومى پروزالىق, 2 تومى دراماتۋرگيالىق شىعارمالارعا ارنالعان
جازۋشىنىڭ جيناققا ەنگەن «گاۋھار تاس», «ۇندەمەس», ء«بىز سوعىستى كورگەن جوقپىز» جانە «قابىلان» اتتى شىعارمالارى كەيىنگى جىلدارى اعىلشىن تىلىنە اۋدارىلىپ, كىتاپ بولىپ لوندوندا باسىلىپ شىققانى بەلگىلى. 4 تومدىقتاعى ەنگەن بىرقاتار پەسالارى رەسەي, بولگاريا, تۇركيا, انگليا, باشقۇرتستان سياقتى الىس-جاقىن شەتەل ساحنالارىندا قويىلىپ كەلەدى.
قازاق جازۋشىسىنىڭ شىعارماشىلىعى جايىندا «ليتەراتۋرنايا گازەتا», «سوۆەتسكايا كۋلتۋرا», «ۆوپروسى ليتەراتۋرى», «ليتەراتۋرنايا ۋچەبا», «موسكوۆسكيە نوۆوستي» سىندى گازەت-جۋرنال بەتتەرىندە دە تالاي ماقالالار جاريالانعان بولاتىن.
ءتورت تومدىقتىڭ تۇساكەسەرىندە ءابدىجامىل نۇرپەيىسوۆ, بەكسۇلتان نۇرجەكەەۆ, تەمىرحان مەدەتبەك, مۇرات اۋەزوۆ, الەكساندر گولوۆينسكي سىندى بەلگىلى قالامگەرلەر, قر ۇلتتىق عىلىم اكادەمياسىنىڭ پرەزيدەنتى, اكادەميك مۇرات جۇرىنوۆ جازۋشى شىعارماشىلىعى تۋرالى پىكىر ءبىلدىردى.
ايناش ەسالي,
«ەگەمەن قازاقستان».
الماتى
