س. تورايعىروۆ اتىنداعى پاۆلودار وبلىستىق كىتاپحاناسىنىڭ باستاماسىمەن, جاستاردىڭ باستاماسىن قولداۋ ورتالىعىنىڭ قولداۋىمەن «كەرەكۋ ءوڭىرى سۇلتانماحمۇت شىعارمالارىن وقيدى» جوباسى اياسىندا اقىندى ەسكە الۋ كۇنى ءوتتى.
اقىن 1920 جىلعى 21 مامىردا ومىردەن ءوتتى. اقىننىڭ ەسكەرتكىشى 2000 جىلى 25 قازاندا ورناتىلعان, 2009 جىلى 14 جەلتوقساندا ەسكەرتكىش ساتباەۆ كوشەسىنە كوشىرىلدى.
بۇل كۇنى س.بايازيتوۆ, ك.لۋنين, ا.الاقان ۇلى, ا.ورالحان سىندى پاۆلودارلىق اقىنداردىڭ, شارباقتى اۋىلىنىڭ «جىر جاۋھار» پوەزيالىق كلۋبى وكىلدەرىنىڭ اقىنعا ارناپ جازعان ولەڭدەرى وقىلدى. سونداي-اق, پاۆلودار مۇناي-حيميا زاۋىتىنىڭ جۇمىسكەرلەرى, نازارباەۆ زياتكەرلىك مەكتەبىنىڭ وقۋشىلارى, جاستاردىڭ باستاماسىن قولداۋ ورتالىعىنىڭ جاس بۋىن وكىلدەرى اقىننىڭ ولەڭدەرىن وقىدى.
شارباقتى اۋدانىنان كەلگەن «جىر جاۋھار» كلۋبىنىڭ مۇشەلەرى بەكتاسوۆا شولپان, كۋزگوۆا ليدانىڭ ورىنداۋىندا ارناۋلار وقىلدى. جىل سايىن وبلىس ورتالىعىندا سۇلتانماحمۇت تورايعىروۆتىڭ ءومىرى مەن شىعارماشىلىعىنا ارنالعان عىلىمي-تاجىريبەلىك كونفەرەنتسيا وتەدى, «تورايعىروۆ وقۋلارىن» ءداستۇرلى تۇردە وتكىزۋ باستاماسىن جەرگىلىكتى ۋنيۆەرسيتەت ءوز قولىنا الدى. سودان بەرى اقىننىڭ تۋعان كۇنى 28 قازانعا ورايلاستىرىلىپ جىل سايىن «تورايعىروۆ وقۋلارى» اتتى عىلىمي شارا وتەدى. اقىننىڭ «الاش ۇرانى» ولەڭى ساقتالعان.
الاش تۋى استىندا
كۇن سونگەنشە سونبەيمىز.
ەندى ەشكىمنىڭ الاشتى
قورلىعىنا بەرمەيمىز.
ادامدىقتىڭ جولىنا
سۇلتانماحمۇت تورايعىروۆتىڭ عۇمىرى قىسقا بولسا دا, سوڭىنا مازمۇنى مول, رۋحتى شىعارماشىلىق مۇرا قالدىردى. اقىننىڭ پوەزياسىندا ەركىندىكتىڭ دابىلى ەستىلەدى. ولەڭمەن جانە پروزامەن جازىلعان روماندار, فيلوسوفيالىق جانە الەۋمەتتىك پوەمالار, وچەركتەر قالدىردى. شىعارماشىلىعى ەركىن قوعام, قازاقتىڭ ەركىندىگى تۋرالى ارمانعا تولى, ەلگە, جەرگە دەگەن ۇلى سەزىمنەن تۇرادى. تۋعان حالقىن وتارشىلدىقتان, قاناۋدان ازات ەتۋگە, ەل بوستاندىعىنا جالىندى كۇرەسكەر رۋحتاعى ولەڭدەرىمەن ءۇن قوستى: «قاراڭعى قازاق كوگىنە ورمەلەپ شىعىپ كۇن بولۋعا» ۇمتىلدى.
فاريدا بىقاي,
«ەگەمەن قازاقستان»
پاۆلودار.
