كەزدەسۋ بارىسىندا ماڭعىستاۋ وبلىسى مەن اتالعان كومپانيا اراسىندا وڭىردە ينۆەستيتسيالىق احۋالدى جاقسارتۋعا قاتىستى بىرلەسكەن جۇمىستاردىڭ باعىتى تالقىلاندى.
ا. كونوپليانىي «KAZAKH INVEST» كومپانياسىنىڭ ەلىمىزدىڭ ينۆەستيتسيالىق ساياساتىن جۇرگىزۋدەگى جانە حالىقارالىق الەۋەتتى ينۆەستورلارمەن ءوزارا جۇمىس جاساۋى تۋرالى ايتىپ بەردى.
«Kazakh invest» – شەتەلدىك تاجىريبەگە نەگىزدەلە قۇرىلعان ۇلتتىق وپەراتور. نەگىزگى مىندەتى – ءىرى شەتەلدىك ينۆەستورلارمەن كەلىسسوزدەر جۇرگىزۋ», – دەدى ول.
«ماڭعىستاۋ وبلىسىنىڭ الدىندا بولاشاعى بار سالالار – مۇناي ءوندىرۋ جانە مۇناي سەرۆيستىك قىزمەت كورسەتۋ, تۋريزم, قۇرىلىس, اگروونەركاسىپتىك كەشەن, ترانسپورت جانە لوگيستيكا سالالارى بويىنشا ينۆەستيتسيالار تارتۋ مىندەتى تۇر. ءبىز بىرگە جۇمىس جاساۋىمىز كەرەك. حالىقارالىق ينۆەستورلاردى وڭىردە باسقا مەحانيزمدەردى دامىتۋ ءۇشىن قىزىقتىرۋىمىز قاجەت. ءبىز بارلىق قاجەتتى مۇمكىندىكتەردى جاساۋعا دايىنبىز. وڭىردە يندۋستريالىق ايماق بار», – دەدى ايماق باسشىسى.
كومپانيا وكىلدەرى دە وبلىستا ينۆەستورلار ءۇشىن قولايلى جاعداي جاسالعانىن ايتتى. ايماقتا ينۆەستيتسيالىق احۋالدى جاقسارتۋ, ياعني ينۆەستور تارتۋ ماقساتىنداعى جۇمىستى كۇشەيتۋ ءۇشىن «Kazakh Invest» كومپانياسى ماڭعىستاۋدا ءوز فيليالىن اشاتىن بولدى.
گۇلايىم شىنتەمىرقىزى,
«ەگەمەن قازاقستان».
فوتو: سەرىك مايەمەروۆ.
اقتاۋ.
