«بيزنەستىڭ جول كارتاسى-2020» باعدارلاماسى اياسىنداعى جۇمىستار سۋبسيديالاۋ نەگىزىندە جۇزەگە اسىپ وتىر. وڭىرلىك كوممۋنيكاتسيالار قىزمەتىندە وتكەن بريفينگتە «دامۋ» كاسىپكەرلىكتى دامىتۋ قورى» اق اتىراۋ ايماقتىق فيليالىنىڭ ديرەكتورى ءاليا وتەپقاليەۆا وسىنداي مالىمەتتەردى باياندادى.
قارجىلاندىرىلعان جوبالاردىڭ ىشىندەگى 124-ءى اۋىلداعى بيزنەس نىساندارىنا تيەسىلى. ال ايەل كاسىپكەرلەر ۇسىنعان 181 جوبا ماقۇلدانعان. جوبالاردى سۋبسيديالاۋدا ايماق بويىنشا «قازاقستان حالىق بانكى» اق, دب «رەسەي جيناق بانكى» اق, «بانك تسەنتر كرەديت» اق بەلسەندى قاتىسىپ كەلەدى. پايىزدىق مولشەرلەمەنى سۋبسيديالاۋ قۇرالىن پايدالانعان تانىمال جوبالاردىڭ ىشىندە بۇرىنعى تىكۇشاق زاۋىتىنىڭ ورنىنا تۇرعىزىلعان «Baizar» ويىن ساۋىق ورتالىعى, «GoldenBridgeCompany» جشس, جك «جولمۋحانوۆ» («SultanPalaceHotel» قوناق ءۇي قۇرىلىسى), «ينفينيتي وردا» جشس (فيتنەس ورتالىعىنىڭ قۇرىلىسى), جك «نەيبارت» (تىگىن شەبەرحاناسى) سەكىلدى نىساندار بار.
اتىراۋ وبلىسى جاس كاسىپكەرلەردىڭ جوباسىن قولداۋ بويىنشا استانا قالاسىنان كەيىن ەكىنشى ورىندا. «بىرىڭعاي باعدارلاما بويىنشا جاس كاسىپكەرلەردىڭ 36 جوباسى ماقۇلداندى, – دەيدى ءا.وتەپقاليەۆا. – وبلىس اكىمدىگىمەن بىرگە قۇرىلعان «التىن كەمە» باعدارلاماسى وتكەن جىلى 500 ملن تەڭگە ءبولدى. قازىر وسى ارقىلى 21 جوبا قارجىلاندىرىلدى».
«بيزنەستىڭ جول كارتاسى – 2020» باعدارلاماسى اياسىندا كاسىپكەرلىكتى قارجىلاي ەمەس قولداۋ شارالارى جۇرگىزىلۋدە. «شاعىن جانە ورتا كاسىپكەرلىكتىڭ توپ – مەنەدجمەنتىن وقىتۋ» جوباسى استانا قالاسىنداعى ديۋك ۋنيۆەرسيتەتىمەن (اقش) بىرىككەن «نازارباەۆ ۋنيۆەرسيتەتى» دبۇ جوعارى مەكتەبىنىڭ بازاسىندا وقۋعا مۇمكىندىك بەرەدى. وتكەن جىلى اتىراۋ وبلىسى بويىنشا اتالعان جوبا ارقىلى 17 كومپانيا باسشىلارى وقۋعا باردى.
«جاڭا بيزنەستى اشۋدى قولداۋ» جوباسى بويىنشا كاسىپكەرلىكتى قولداۋ ورتالىعىنىڭ بازاسىندا 134 ادام وقىتىلدى, بەس كاسىپكەر مەملكەتتىك قولداۋعا يە بولىپ ءوز ىستەرىن اشتى. «دامۋ» كاسىپكەرلىكتى دامىتۋ قورى» اق اتىراۋ ايماقتىق فيليالى ديرەكتورىنىڭ ايتۋىنشا, «StartUp اكادەميا» جوباسى ءىسىن جاڭادان باستاعان كاسىپكەرلەرگە ءوز بيزنەس – يدەيالارىن جۇزەگە اسىرۋعا جانە دامىتۋعا قولايلى جاعداي تۋعىزىپ وتىر. سونداي-اق, ءىسىن جاڭادان باستاعان كاسىپكەرلەردى كەشەندى تۇردە قولداۋ ماقساتىندا ح.دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىمەن «بيزنەس – كوۆوركينگ» اشۋعا كەلىسىم ورناتىپ, ىنتىماقتاستىق جانە ءوزارا تۇسىنۋشىلىك مەموراندۋمىنا قول قويىلعان.
«دامۋ» قورىندا كاسىپكەرلىكتى قولداۋ ورتالىعى بار. وتكەن جىلى 3331 تۇلعا وسى ورتالىقتىڭ كومەگىن كوردى. «2009 جىلدان بەرى جۇزەگە اسىرىلىپ كەلە جاتقان «دامۋ كومەك» باعدارلاماسى ارقىلى مۇمكىندىگى شەكتەۋلى ازامات ءوز ىسىمەن اينالىسۋعا قاجەتتى قۇرال الادى. جىل باسىنان بەرى اتالعان باعدارلاما اياسىندا جك «ساربالينا», جك «ماجيتوۆ», جك «نەيبارت» جشس, «كاسپيمۇنايگاز» باسشىلارى 4 مۇمكىندىگى شەكتەۋلى كاسىپكەرلەرگە دەمەۋشىلىك كورسەتتى», – دەيدى ءا.وتەپقاليەۆا.
باقىتگۇل باباش,
«ەگەمەن قازاقستان».
اتىراۋ
