ءۇندىستاننىڭ پرەمەر-ءمينيسترى «جىل ادامى» اتاندى

Time جۋرنالىنىڭ نۇسقاسى بويىنشا ءۇندىستان پرەمەر-ءمينيسترى نارەندرا مودي «جىل ادامى» اتاندى, دەپ حابارلادى تاسس اقپارات اگەنتتىگى 18% داۋىس جيناعان مودي, ساۋالناماعا قاتىسقاندار اراسىندا وسى جىلدىڭ بەدەلدى تۇلعالارى دەپ ەسەپتەلىنگەن اقش-تىڭ بۇرىنعى پرەزيدەنتى باراك وبامادان, جاقىندا سايلانعان پرەزيدەنتى دونالد ترامپتان جانە WikiLeaks باسشىسى دجۋليان اسسانجدان باسىم ءتۇستى. ولاردىڭ ەنشىسىندە 7% داۋىس. بۇدان بولەك, ءۇندىستان پرەمەرى Facebook-تىڭ نەگىزىن قالاعان مارك تسۋكەربەرگتى (2%) جانە اقش-تىڭ ەكس-ءبىرىنشى حانىمى حيللاري كلينتوندى (4%) باسىپ وزدى. اتالمىش جۋرنالدىڭ حابارلاۋىنشا, بۇل رەيتينگ 7 جەلتوقساندا بەلگىلى بولادى, ونى رەداكتورلار القاسى شەشەدى. «وزەكتى ساياسات ورتالىعىنىڭ» (Pew Centre) دەرەگى بويىنشا, سوڭعى ۋاقىتتا ءموديدىڭ ۇندىستانداعى رەيتينگى ايتارلىقتاي جوعارى بولعان. بۇنداي كورسەتكىشكە كليمات بويىنشا پاريج كەلىسىمىن بەكىتۋ, سونداي-اق ءۇندى ەلىنىڭ ەكونوميكاسىنا كەرى اسەرى ءتيۋى مۇمكىن 1000 ءرۋپيدى اينالىمنان الىپ تاستاۋ جونىندە شەشىم قابىلداۋى سەپتىگىن تيگىزگەن.