ترامپ وبامانىڭ بۇگىنگە دەيىنگى ساياساتىن تۇبەگەيلى وزگەرتپەك

پرەزيدەنتتىككە جاڭادان سايلانعان دونالد ترامپ اق ءۇيدىڭ تاعىنا وتىرعان ءبىرىنشى كۇننەن باستاپ وبامانىڭ بۇگىنگە دەيىنگى ۇستانىپ كەلگەن ساياساتىن تۇبەگەيلى وزگەرتپەكشى. سونىڭ ىشىندە رەسپۋبليكاشىل پارتيا وكىلى وبامانىڭ ازيا ۆەكتورىنداعى ساياساتى, ترانس-تىنىق مۇحيتى ارىپتەستىگى ساۋدا پاكتى, وباماساقتاۋ (Obamacare) جانە يران يادرولىق ماسەلەسىندە باسقاشا قادامعا باراتىنىن مالىمدەپ وتىر. يران ماسەلەسىندە ترامپتىڭ ساياساتى وبامانىڭ ۇستامىمەن مۇلدە كەلىسپەيدى. ترامپ بۇل تۋرالى وبامانىڭ سەگىز جىلدىق جۇمىسىن "تاريحتا بۇرىن-سوڭدى جاسالعان ەڭ ءساتسىز كەلىسىم" دەپ باعالاپ وتىر. وسى ورايدا ترامپ يرانمەن كەلىسىمشارتتى قايتا قاراماقشى. وڭتۇستىك كورەيا, جاپونيا, چيلي, تايۆان مەن اقش سەكىلدى تىنىق مۇحيتىنىڭ جاعاسىنداعى بىرقاتار مەملەكەتتەردىڭ ءوزارا بىرلەسە قۇرعان ترانس-تىنىق مۇحيتى ارىپتەستىگىاياسىنداعى ىقپالداستىقتىڭ اقش سىرتقى ەكونوميكاسىنا كەرى اسەرىن بەرەتىنىن ايتادى اق ءۇيدىڭ كەلەسى باسشىسى. سونىمەن قاتار ترامپ وبامانىڭ ازيامەن تىم قويىن-قولتىق ساۋدا جاساسۋىنا دا قارسىلىعىن بىلدىرگەن. اقش دەنساۋلىق ساقتاۋ سالاسىندا كەيىنگى جىلدارى ءجيى ايتىلعان وباماساقتاۋ (Obamacare) الەۋمەتتىك باعدارلاماسىن ترامپ Affortable Care Act باعدارلاماسىمەن الماستىرماقشى. ترامپتىڭ ايتۋىنشا, وبامانىڭ الگى باعدارلاماسى قاراپايىم حالىقتىڭ دەنساۋلىعىن ساقتاۋدا ءوز ناتيجەسىن ءالى بەرگەن جوق.