بي بورانباي بۇگىنگە قادام باستى

تارباعاتاي اۋدانىنىڭ قىزىل­كەسىك اۋىلىندا ەل تاۋەلسىز­دىگى­­نىڭ 25 جىلدىق مەرەيتويى اياسىندا قازاق تاريحىندا ەسىمى قۇر­مەت­پەن اتالا­تىن ايگىلى بي, باتىر بورانباي قالقا­مان­ ۇلىنىڭ ەسكەرتكىشى اشىلدى. اتال­عان شاراعا قوعامدىق ۇيىمدار مەن اۋدان­دىق ارداگەرلەر كەڭەسىنىڭ وكىلدەرى جانە ءوڭىر جۇرتشىلىعى قاتىستى. قازاققا قاۋىپ توندىرگەن جوڭعار شاپقىنشىلىعىنىڭ ءبىر لەگى بارقىت­­بەل مەن بارلىقتى اسىپ ءجوڭ­كىلگەنى تاريحتان بەلگىلى. ويرات باسقىنشىلارىنا قارسى سوعىسقان تاريحي تۇلعالاردىڭ ءبىرى – بورانباي قالقامان ۇلى. تاريحي-ادەبي دەرەكتەردە قاراكەرەي قابانبايمەن ەسىمى قاتار اتالاتىن ءبيدىڭ ابىلاي حاننىڭ ساياساتىن ىسكە اسىرۋعا قوس­قان ۇلەسى وتە زور بولعان كورىنەدى. – تاۋەلسىزدىك تۋىن تىگۋگە ۇمتىل­عان قاھارمان بابالارىمىزدىڭ ەرلى­گىنە تاعزىم ەتۋ – ەرتەڭىن ويلاعان ەڭ­سەلى ۇرپاقتىڭ اسىل پارىزى. سول ءبىر دۇربەلەڭ دۇنيەنىڭ بۇگىنگە جەتكەن جا­سىن-جاڭعىرىعى ۇرپاق ساناسىندا جاي وتىنداي جارقىل تاۋىپ جاتسا, وتان­شىلدىق مايەگىنىڭ تولىقسي ءتۇس­­كەنى, – دەدى ەسكەرتكىشتىڭ اشىلۋ سال­تا­نا­تىندا اۋدان اكىمى دىلدابەك ورازباەۆ. سونداي-اق, اۋىلدىق مادەنيەت ۇيىندە دالا داناسىنىڭ ءومىرى مەن قىزمەتى جونىندە عىلىمي-ءتاجى­ري­بەلىك كونفەرەنتسيا ءوتتى. بي بورانباي اتىن­داعى ورتا مەكتەپتىڭ تاريح ءپانى مۇعالىمى گۇلباتاي زيا­دانوۆا بورانباي ءبيدىڭ قاي­راتكەر رەتىن­دەگى بولمىسىنا, مەك­تەپ­تەگى «قىزىلتاس قىراندارى» اقىن­دار ۇيىرمەسىنىڭ جەتەكشىسى مەدەت ورىنعوجين «اقىرعى شاي­قاس» داستانىنداعى بي بەينەسىنە توق­تال­دى. ال اۋداندىق اقساقالدار كەڭە­سىنىڭ مۇشەسى, دەربەس زەينەتكەر مۇراتبەك قاراتاەۆ اۋداندا سوڭعى ۋاقىتتا تاريح تاعىلىمىن ۇلىقتاعان شارالاردىڭ دۇركىن-دۇركىن ءوتىپ جاتقانى قۋانتاتىنىن ايتتى.  شىعىس قازاقستان وبلىسى,