قر مادەنيەت جانە سپورت مينيسترلىگىنىڭ تاپسىرىسىمەن شاكەن ايمانوۆ اتىنداعى "قازاقفيلم" اق ءابىش كەكىلباەۆتىڭ "شىڭىراۋ" پوۆەسىنىڭ جەلىسىمەن تولىقمەتراجدى كوركەم فيلم تۇسىرەدى, دەپ حابارلادى كينوستۋديانىڭ ءباسپاسوز قىزمەتى.
قازىر ستسەناري اۆتورى جانە فيلم رەجيسسەرى جاڭابەك جەتىرۋوۆ كاستينگ وتكىزىپ, ءتۇسىرىلىم توبىن جيناپ جاتىر. ول بۇرىن "اققىز" سەكىلدى كوپتەگەن كوركەم فيلمدەر مەن ءابىش كەكىلباەۆتىڭ ومىرىنە ارنالعان "سامعاۋ " اتتى قۇجاتتى فيلم اۆتورى.
فيلم ماڭعىستاۋ وبلىسىندا, اقتاۋ قالاسىندا كاسپي جاعالاۋىندا تۇسىرىلەدى.
رەجيسسەر پوۆەست سيۋجەتىن تولىعىمەن ساقتاپ قالعان. "ادەبي تۋىندىنى ەكرانعا شىعارۋعا قاجەتتى دەگەن ازداعان عانا سارىندار قوستىم. پروزادا سەزىم مەن تابيعاتتى سيپاتتاپ, سۋرەتتەپ بەرۋگە بولادى. ال كينەماتوگرافيادا ونى ءىس-ارەكەتتەر مەن وقيعالار ارقىلى جەتكىزۋ كەرەك", دەيدى رەجيسسەر.
