وعان مەملەكەتتىك حاتشى گۇلشارا ابدىقالىقوۆا, قازاقستان رەسپۋبليكاسى پرەزيدەنتى كەڭسەسىنىڭ باسشىسى – قازاقستان رەسپۋبليكاسىنىڭ تۇڭعىش پرەزيدەنتى – ەلباسىنىڭ كىتاپحاناسى ديرەكتورىنىڭ مىندەتىن اتقارۋشى ماحمۇت قاسىمبەكوۆ, پارلامەنت دەپۋتاتتارى, ساياسي جانە قوعام قايراتكەرلەرى, مەملەكەتتىك ورگانداردىڭ وكىلدەرى قاتىستى.
«تاۋەلسىزدىك جولىنىڭ شيرەك عاسىرلىق بەلەسىندە ەلىمىز الەمدىك قاۋىمداستىقتا ەكونوميكاسى دامىعان, قازىرگى زامانعى وركەنيەتتى مەملەكەت رەتىندە قالىپتاستى. ەلباسى نۇرسۇلتان نازارباەۆ بەلگىلەگەن «قازاقستاندىق جولدى» بىرلىك پەن تۇراقتىلىقتىڭ ايشىقتى ۇلگىسى رەتىندە تورتكۇل دۇنيە مويىندادى. كوپەتنوستى حالقىمىزدىڭ بىرلىگى مەن ىنتىماعى ارقاسىندا ەلدىڭ تاۋەلسىزدىك تۇعىرى بەكىدى. بۇگىندە تەرەزەسى تەڭ, كەرەگەسى كەڭ تاۋەلسىز قازاقستاننىڭ تولايىم تابىستارى مەن جەتىستىكتەرى تامىرلاسىپ جاتىر», – دەدى مەملەكەتتىك حاتشى.
سونىمەن قاتار, ول تاۋەلسىزدىكتىڭ شيرەك عاسىرلىق مەرەيتويىنداعى ەلەۋلى مەرەكە – ول تۇڭعىش پرەزيدەنت كۇنى ەكەنىن اتاپ ءوتتى. گۇلشارا ناۋشاقىزىنىڭ ايتۋىنشا, بۇل كۇننىڭ رەسپۋبليكا مەن حالىقارالىق قاۋىمداستىق ءۇشىن تاريحي جانە مادەني ماڭىزى ايرىقشا. بۇل كۇنى شارا قوناقتارىنىڭ نازارىنا 8 كورمە ۇسىنىلدى. ماسەلەن, «ەلباسى جولى» كورمەسىنە 50-دەن استام مۇراعات قۇجاتتارى قويىلعان. ولار پرەزيدەنتتىڭ باتىل باستامالارىنان جانە تاۋەلسىز ەلدىڭ دامۋ تاريحىنان سىر شەرتەدى. ال «تاۋەلسىز قازاقستان – تۇعىرلى ەل» كورمەسى ەلدىڭ شيرەك عاسىرداعى الەۋمەتتىك-ەكونوميكالىق تۇرعىداعى قارىشتاپ دامۋىنىڭ, الەم تانىعان مەملەكەت رەتىندە قالىپتاسۋىنىڭ, ەڭسەلى ەلوردانى گۇلدەندىرۋدىڭ كەزەڭدەرىمەن تانىستىرادى. مۇنداعى ەكسپوزيتسياعا 50-گە جۋىق فوتوقۇجات قويىلىپتى. سونداي-اق, شاراعا قاتىسۋشىلار ەلباسى كىتاپحاناسىنداعى اسا قۇندى 550 جيناقپەن 3 كىتاپ كورمەسى ارقىلى تانىستى. بۇلاردان بولەك, « ۇلى دالا ەلى» دەپ اتالعان كورمە دە جۇرتشىلىقتىڭ قىزىعۋشىلىعىن ارتتىردى. وندا قازاقستاننىڭ سۋرەتشىلەر وداعىنىڭ مۇشەسى نۇرجان قارىمساقوۆتىڭ ەلدىڭ 25 جىلداعى تابىستارى مەن جەتىستىكتەرىن قىلقالاممەن سويلەتكەن 36 ءتول تۋىندىسى ەل نازارىنا ۇسىنىلدى.
بۇل كۇنى سونداي-اق, قازاقستان رەسپۋبليكاسى پرەزيدەنتىنىڭ تەلەراديو كەشەنى ازىرلەگەن «تۇڭعىش-پەرۆىي» دەرەكتى فيلمدەر توپتاماسىنىڭ العاشقى ءفيلمى كورسەتىلدى. ول – «فاكتور ليدەرستۆا» دەرەكتى ءفيلمى.
ءلايلا ەدىلقىزى,
«ەگەمەن قازاقستان»
سۋرەتتەردى تۇسىرگەن: ەرلان وماروۆ
