قازاقستان قاسىم حان تۇسىندا ۇلى ايماقتىق دەرجاۆا بولدى - اگەەۆ

رەسەي فەدەراتسياسىنىڭ ەكونوميكالىق ستراتەگيالار ينستيتۋتى قازاقستاننىڭ دامۋ تاريxىن زەرتتەپ, ەكونوميكا, تابيعي رەسۋرستار, سىرتقى ساياسات, ءبىلىم-عىلىم, اسكەري دايىندىعى, تەرريتوريالدىق مارتەبەسى جانە تاعى باسقا سالالارداعى كۇش-قۋاتىن زەردەلەگەن. بۇل تۋرالى وسى ينستيتۋتتىڭ ديرەكتورى, پروفەسسور الەكساندر اگەەۆ "قازاقستان رەسپۋبليكاسىنىڭ تاۋەلسىزدىگىنە 25 جىل: ناتيجەلەر, جەتىستىكتەر, كەلەشەك كوكجيەگى" تاقىرىبىنداعى xالىقارالىق كونفەرەنتسيادا ايتتى. "وسى ورايدا تاۋەلسىزدىكتىڭ 25 جىلى - ول "مەملەكەتكە 25 جىل تولىپ وتىر" دەگەندى بىلدىرمەيدى. وسىنى ۇمىتپاۋ قاجەت. مەملەكەتتىڭ وزىنە مىڭ جىل, عاسىرلاردان دا كوپ. سوندىقتان ءار ۋاقىتتا قازاقستاننىڭ كۇش-قۋاتى ارقالاي بولدى. ماسەلەن, قاسىم xان, ەسىم xانداردىڭ تۇسىندا قازاقستان ۇلى ايماقتىق دەرجاۆا دارەجەسىنە دەيىن كوتەرىلگەن. رەسەي يمپەرياسى قۇرامىندا دا ءارتۇرلى كەزەڭدەر بولدى. سوسىن كەڭەستەر كەزىندە قازاقستان دەربەس مەملەكەت بولماسا دا, ول مەملەكەتتىڭ بولعانىن مويىنداۋىمىز قاجەت", - دەدى ا.اگەەۆ. ونىڭ ايتۋىنشا, زەرتتەۋدىڭ ون كورسەتكىشى بويىنشا 1981 جىلى قازاقستان كەڭەستەر قۇرامىندا بولسا دا, ايماقتاعى ىقپالدى مەملەكەتكە اينالعان. "ال 91-ءشى جىلى باسقالارمەن بىرگە ونىڭ دارەجەسى كۇرت تومەندەپ كەتتى. مىنا جەردە قازاقستاننىڭ پەريفيريالىق مەملەكەت بولعانى جايىندا ايتىپ جاتىر. مەن ءوزىم بۇل پىكىرمەن كەلىسپەيمىن. سەبەبى ول كەڭەستەر قۇرامىنداعى وق بويى وزىق ەلدەردىڭ ءبىرى ەدى. ءيا, بايقوڭىر, ۋران جانە تاعى باسقا سيرەك مەتالدار پوليگوندارى ماسكەۋدىڭ قاراماعىندا بولدى. دەگەنمەن, 91-ءشى جىلدارعا دەيىن قازاقستان جەتەكشى وندىرىستىك-اگرارلىق مەملەكەت بولىپ قالىپتاسا ءبىلدى. ەندى, قازىرگى ۋاقىتپەن سالىستىرعاندا, سىزدەر بارلىق فاكتورلار بويىنشا ۇلكەن پروگرەسس جاسادىڭىزدار. بۇنىڭ ءبارى - تاماشا جەتىستىك", - دەپ اتاپ كورسەتتى رەسەيلىك مامان. ايتا كەتەيىك, بۇگىنگى كونفەرەنتسياعا تۇركيا, رەسەي, فينليانديا, سونداي-اق ەۋروپالىق وداقتىڭ وكىلدەرى قاتىسۋدا.