27 قاراشادا پولشا رەسپۋبليكاسىنىڭ ليۋبلين قالاسىندا كيوكۋشينكاي-كان كاراتە بويىنشا جاستار اراسىندا ەۋروپا كۋبوگى ءوتتى. قازاقستان كومانداسى 12 مەدال: 5 التىن, 4 كۇمىس, 3 قولا يەلەندى, دەپ حابارلادى شتاتتىق ۇلتتىق كوماندالار مەن سپورت رەزەرۆى ديرەكتسياسىنىڭ ءباسپاسوز حاتشىسى ارداق توعىموۆ.
20-دان استام ەلدەن 500 قاتىسۋشى بەس تاتاميدە جارىسقا ءتۇستى. قازاقستان قۇراماسى بەدەلدى جارىسقا 10-17 جاس ارالىعى ساناتىندا 20 سپورتشى قۇرامىمەن باردى.
ءبىزدىڭ قۇرامانى ەرەسەكتەرگە ارنالعان كيوكۋشينكاي-كان كاراتە رەسپۋبليكالىق ۇلتتىق فەدەراتسيانىڭ باس باپكەرى ءابجانوۆ داستان دۋيسەنباەۆيچ, ۇلتتىق فەدەراتسيانىڭ جاستار بويىنشا باس باپكەرى يماشەۆ ازامات بولات ۇلى مەن قاراعاندى وبلىستىق فيليالىنىڭ باسشىسى ليم يگور گەننادەۆيچ باسقارىپ باردى.
