دوپينگكە ۇشىراعان سپورتشىلاردان پاتەرلەر قايتارىلمايدى

دوپينگ داۋىنا ۇرىنعان وليمپيادا جۇلدەگەرلەرىنەن پاتەرلەر قايتارىپ الىنبايدى. بۇل تۋرالى مادەنيەت جانە سپورت ۆيتسە-ءمينيسترى ساكەن مۇسايبەكوۆ مالىمدەدى. «WADA (دۇنيەجۇزىلىك دوپينگكە قارسى اگەنتتىك) كودەكسىندە تىيىم سالىنعان پرەپاراتتاردى پايدالانعان ادام مەملەكەتتىك قارجىلاندىرۋدان, حالىقارالىق جانە جەرگىلىكتى فەدەراتسيالاردىڭ قارجىلاندىرۋىنان تولىقتاي ايىرىلاتىندىعى جازىلعان. ول قارايتىن حالىقارالىق فەدەراتسياعا بىلىكتىلىگىنەن ايىرۋ ەنگىزىلەدى. ال جۇلدەگە بەرىلگەن پاتەرلەر سپورتشىلاردان قايتارىلمايدى. بۇل تۋرالى ەشقانداي زاڭنامالىق نەگىز جوق. 2008, 2012 جىلدارى جەڭىستەرىنە قۋانعانىمىزداي, قيىن ۋاقىتتا قولداۋ بىلدىرەيىك», – دەدى مۇسايبەكوۆ بۇدان بولەك, ول ريو وليمپياداسىنىڭ جەڭىمپازدارىنا بەرىلەتىن سىياقى مەن پاتەرلەرگە قاتىستى تىلشىلەردىڭ ساۋالىنا جاۋاپ بەردى. «وليمپيادا ويىندارىنا قاتىسۋشىلاردىڭ جۇلدەسىنە قاتىستى ايتار بولسام, وليمپياداشىلار سىياقىلارىن السا, كەلەسى اپتانىڭ سوڭىنا دەيىن پاراليمپياداشىلار الادى. «دەنە تاربيەسى جانە سپورت تۋرالى» زاڭعا سايكەس مەملەكەتتەن پاتەر الۋى ءتيىستى وليمپيادا جۇلدەگەرلەرىنە جۇلدەلەرىن تابىستاۋعا بىزدە جارتى جىل ۋاقىت بار», – دەدى ۆيتسە-مينيستر.