ماقسات – تالانتتارعا قولداۋ كورسەتۋ

قازاقستان رەسپۋبليكاسىنىڭ تۇڭعىش پرەزيدەنتى – ەلباسى قورى مەن ءبىلىم جانە عىلىم مينيسترلىگىنىڭ قولداۋىمەن قۇرمانعازى اتىنداعى قازاق ۇلتتىق كونسەرۆاتورياسىندا جىل سايىن جوعارى وقۋ ورىندارى اراسىندا وتكىزىلەتىن رەسپۋبليكالىق پاندىك وليمپيادا باستالدى. بيىل 9-رەت ۇيىمداستىرىلىپ وتىرعان رەسپۋبليكالىق وليمپيادادا 13 اتالىم بويىنشا جيىنى 180 دارىندى جاستىڭ تۇساۋى كەسىلمەك. ءداستۇرلى وليم­­پيادا 16 ناۋرىزدان باس­تا­لىپ, 21 ساۋىرگە دەيىن جال­عا­سادى. ءىح رەسپۋبليكالىق ءپان­­دىك وليمپياداعا ەلىمىزدىڭ شى­عارماشىلىق پەن ونەرگە بايلانىستى جوعارى وقۋ ورىندا­رىندا, ۋنيۆەرسيتەتتەردىڭ مۋزىكا فاكۋلتەتتەرىندە ءبىلىم الىپ جاتقان ەڭ تالانتتى ستۋدەنتتەر «ونەر», «اسپاپتىق ورىنداۋشىلىق», «ديريجەرلىك (حور)», «ۆوكالدىق ونەر», «ءداس­تۇرلى مۋزىكا ونەرى», «كوم­پوزيتسيا» جانە «ارت-مەنەدج­مەنت» بويىنشا سايىسقا ءتۇسىپ, باق سىنايدى. وليمپيادا بو­لا­شاق مامانداردىڭ كاسى­بي داعدىلارىن دامىتۋعا, وقۋ-تا­نىمدىق قىز­مەتىن ىنتالان­دى­رۋعا, سونداي-اق, تالانتتى جاس­­تاردى تانىپ, انىقتاۋعا ارنالعان. وليمپيادانىڭ اشىلۋ سالتاناتىندا ءسوز سويلەگەن قۇر­مانعازى اتىنداعى قازاق ۇلت­تىق كونسەرۆاتورياسىنىڭ رەك­تورى, قازاقستاننىڭ حالىق ءارتىسى ءجانيا اۋباكىروۆا: «تا­لانتتار تەك ورىنداۋشىلىق باعىتتا عانا ەمەس, تەوريالىق جا­عىنان دا ساراپقا تۇسەدى. رەس­پۋبليكالىق وليمپيادا كوپ­تەگەن ونەرلى جاستاردىڭ بيىككە كوتەرىلۋىنە قۇلشىنىس تۋعىزىپ, قولداۋ كورسەتتى. ءبىزدىڭ باستى دەمەۋشىمىز – تۇڭعىش پرەزيدەنت قورى. تالانتتى جاستاردى, جاس عالىمداردى قولداۋعا كەل­­گەن­دە قوردىڭ اتقارىپ كە­لە جا­ت­قان جۇمىسى ەرەسەن. كونسەر­ۆاتوريانىڭ وزات ستۋدەنت­تەرى تەك وليمپيادا عانا ەمەس, قوردىڭ ارنايى ستيپەنديا جۇلدەگەرلەرى مەن تۇلەكتەرىمىز كونتسەرت وتكىزۋ, البوم شىعارۋ, تاعى باسقا جو­بالا­رىنا قولداۋ تاپتى», دەپ اتاپ ءوتتى. قازاقستان رەسپۋبليكاسىنىڭ تۇڭعىش پرەزيدەنتى – ەلباسى قورى اتقارۋشى ديرەكتورىنىڭ ورىنباسارى سەرگەي توحتاروۆ تا سىناقتىڭ ماڭىزدىلىعىنا توقتالا كەلىپ, تالابى زور تالانت­تاردىڭ قادامىنا ساتتىلىك تىلەدى. وليمپيادانىڭ اشىلۋ سالتاناتىندا «تۇران», «حاسساق» فولكلورلىق-ەتنوگرافيالىق ان­سامبلدەرى, ەلدار ايتبەكوۆ جانە ماقسات نۇرلانوۆ سياقتى ۆيولون­چەليستەر دۋەتى, يان رۋد­كوۆسكيدىڭ ديريجەرلىگىندەگى كون­سەرۆاتوريانىڭ ارالاس حورى جانە رەسپۋبليكالىق وليم­پيا­دالاردىڭ لاۋرەاتتارى, دومبىراشىلار ابىلاي تىلەپ­بەر­گەنوۆ, تاڭات سادەنوۆ, ديريجەر كەمەڭ­گەر قادىربەكوۆ, ءانشى ايبەك قاناتبەك قاتىسىپ, ونەر كورسەتتى. ايگۇل احانبايقىزى, «ەگەمەن قازاقستان» الماتى