كەشەندى اتتەستاتتاۋدىڭ 1-ءشى دەڭگەيى اياقتالدى

مەملەكەتتىك قىزمەتشىلەردى اتتەستاتتاۋ اياسىندا ايقىندالعان جايتتار تۋرالى بريفينگتە مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى توراعاسىنىڭ ورىنباسارى ايگۇل شايىموۆا ايتىپ بەردى. قازاقستان رەسپۋبليكاسى پرە­زي­دەن­تى جانىنداعى جوعارى اتتەس­تات­تاۋ كوميسسياسى (جاك) ءوز جۇمى­سىن اياقتادى. اڭگىمەلەسۋ بارىسىن­دا جاك مۇشەلەرى «ب» كورپۋسى مەم­لە­كەت­تىك قىزمەت­شىلەرىنىڭ باسقارۋشى بۋىن­دارى­نىڭ ءبىلىم دەڭگەيىن, داعدىلارىن جانە ەپتىلىكتەرىن تەكسەردى. ورتا­لىق مەملەكەتتىك ورگاندار دەڭ­گەيىندەگى مەملەكەتتىك قىز­مەت­شىلەردە «قىزمەتتى تۇتى­نۋشى» ءجا­نە «شەشىمدەر قابىل­داۋ» قۇزىرەتتەرى اي­رىقشا دامى­عان­دىعى نازارعا ىلىكتى. باس­قاشا ايت­قاندا, مينيسترلىكتەر قىزمەت­­كەرلەرى جاع­داي­لاردى جان-جاق­تى باعالاپ, ازامات­تاردىڭ قا­جەت­تىلىكتەرى مەن قى­زىعۋ­­شى­­لىقتارىنا بايلانىستى وڭتاي­لى شەشىمدەر قابىلداي الا­تىن­دىقتارىمەن ەرەكشەلەندى, دەدى ا.شايىموۆا. تەستىلەۋدىڭ قورىتىندىلارى اتتەس­تاتتاۋ كوميسسيانىڭ الدىنا كەلىپ تۇسەدى. اڭگىمەلەسۋ بارىسىندا جاك مۇشە­لەرى قوسىمشا كاسىبي قىزمەتى قۇزىرەتى بويىنشا سۇراقتاردى قويادى. جو­عارى اتتەستاتتاۋ كوميسسياسى جۇ­مى­سىنىڭ قورىتىندىلارى بويىن­شا اگەنتتىكتىڭ «ب» كور­پۋسى باس­­قارۋ قۇرا­مىن مۇ­قيات سا­راپ­تاۋ­دان وتكىزدى. قو­رى­­­تىن­دى­لار ناتيجەسىندە اۋماق­تىق جانە ورتالىق اپپارات قىزمەت­كەر­­­لەر اراسىندا السىزدەرى اي­قىن­­دالدى, دەپ جالعادى ءسوزىن ا.شا­يى­موۆا. مەملەكەتتىك قىزمەت ىستەرى جانە سى­بايلاس جەمقورلىققا قار­سى كۇرەس اگەنت­تىگى توراعاسىنىڭ ورىنباسارى ايگۇل شايىموۆا بريفينگتە, سونداي-اق, قازىرگى تاڭ­دا مەملەكەتتىك قىزمەتشىلەردى كەشەن­دى اتتەستاتتاۋدىڭ 1-ءشى دەڭ­گەيىن اياق­تال­عانىن مالىمدەدى. مەملەكەتتىك قىز­­مەت­شىلەردى كە­شەن­دى اتتەستاتتاۋ قازاق­ستاندا 3 كەزەڭ­مەن, 3 دەڭگەيدە وتكىزىلەدى. جوعارى اتتەستاتتاۋ كو­ميس­سياسى (جاك) – پرەزي­دەنت جانىن­دا قۇرىلعان اتتەستات­تاۋ­دىڭ 1-دەڭگەيدەگى كوميسسيا­سى. ونىڭ قۇرامىنا پرەزي­دەنت اكىم­شىلىگىنىڭ باسشىسى, پرە­مەر-مينيستر كەڭسەسىنىڭ باسشىسى, پارلامەنت پالاتالارىنىڭ دەپۋ­تاتتارى, سونداي-اق باسقا دا لاۋازىمدى تۇلعالار كىردى. كوميسسيادا اكادەميالىق ورتا مەن قوعامدىق ءبىر­لەس­­تىك­­- تەردىڭ وكىلدەرى دە بولدى. ولار مەم­لەكەتتىك باسقارۋ اكا­دە­ميا­سىنىڭ رەكتورى, قازاق­ستان­نىڭ HR-مەنەدجەرلەرى اسسو­تسيا­تسيا­سىنىڭ توراعاسى, قوعام­دىق كەڭەس­تەردىڭ مۇشەلەرى. ءسوي­تىپ, بۇل جۇمىستا بيلىك وكىلدەرى­نىڭ عانا ەمەس, سونداي-اق قوعام­نىڭ پىكىرى دە نازارعا الىندى. ا.شايىموۆا ايتىپ وتكەن­دەي, جاك-تا «ب» كور­پۋسىنىڭ باس­­­قا­­رۋشى دەڭگەيىندەگى 1139 مەم­لەكەتتىك قىزمەتشى اڭگىمە­لەسۋ­دەن ءوتتى. ولاردىڭ ىشىندە: پرەزي­دەنت اكىمشىلىگى, پرەمەر-مينيستر كەڭسەسى, سەنات جانە ءما­جىلىس اپپاراتتارى, جوعار­عى سوت قىزمەتشىلەرى; مينيستر­­لىكتەر كو­مي­تەتتەرىنىڭ توراعا ورىن­­با­سار­لارى مەن دەپار­تامەنت­تەر دي­رەك­تورلارى; وبلىس­تىق باسقار­مالار مەن اۋماق­تىق دەپار­تا­مەنتتەردىڭ جەتەك­شى­لەرى; وب­لىس اكىمدەرى اپپاراتى جەتەك­شىلەرىنىڭ ورىنباسار­لارى مەن وب­­لىستىق جانە اس­تانا, الماتى قا­لا­لارىنىڭ ءماس­لي­حاتتارى اپ­پا­رات­تارىنىڭ جەتەكشىلەرى بار. ا.شايىموۆا ولارمەن اڭگى­مەلەسۋدە اتتەس­تات­تاۋشى­لاردىڭ ءبىلىمى, ىسكەرلىگى مەن داعدىلارى تەكسەرىلگەنىن ايتتى. سپيكەر اتاپ وتكەندەي, پروتسەس­تىڭ وبەكتيۆتىلىگى ءۇشىن اڭگىمە­لە­سۋدىڭ بارىسى اۋديو- جانە بەينەجازبالارىمەن سۇيەمەلدەندى. ءناتي­جەسىندە, 973 (85%) قىزمەت­شىگە قاتىستى اتقارىپ جۇرگەن لاۋازىمدارىنا سايكەس ەكەندىگى تۋ­رالى شەشىم قابىلدانىپ, 130-ى (11%) جو­عا­رى­لاتۋعا, 36-سى (3%) تومەن­دەتۋگە ۇسىنىلعان. اگەنتتىك توراعاسىنىڭ ورىن­با­­سارى اتالعان مالىمەتتەر اتتەس­­تاتتاۋدىڭ باستى ناتيجەسى ەمەس ەكەندىگىنە نازار اۋداردى. ات­تەس­­تاتتاۋدىڭ باستى مىندە­تى «ب» كور­پۋسى مەملەكەتتىك قىز­مەت­شىلەرىنىڭ كاسىبي دايىندىعىنىڭ دەڭگەيىن جانە لاۋازىمدارىنا سايكەستىگىن انىقتاۋ بولىپ تابىلادى. ا.شايىموۆانىڭ ايتۋىنشا, جوعارىلاتۋعا ۇسىنىلعان قىز­مەتشىلەر تەك قانا سايكەس قۇزى­رەتتەرىنىڭ بولۋىمەن شەكتەلمەي, بۇعان قوسا, ايقىن تانىلاتىن الەۋەتى بار جاڭا كوزقاراستى باسشىلار ەكەنىن كورسەتكەن. ولار مەملەكەتتىك ورگان قىزمەتىنىڭ تيىمدىلىگىن ارتتىرۋ ءۇشىن نە قاجەت جانە وعان قالاي جەتۋ كەرەك ەكەنىن ناقتى بىلەدى. سونىمەن قاتار, ول اڭگىمەلەسۋ بارىسىندا باسشىلاردىڭ كەيبىرى مەملەكەتتىڭ نەگىزگى باع­دار­لامالىق قۇجاتتارىنىڭ ماڭىزى مەن مازمۇنىن تولىق دەڭگەيدە ءبىل­مەيتىندىگى انىقتالعانىن كول­­دەنەڭ تارتتى. بۇلار ءوز قىز­مەتىن­دە جوعارى تۇرعان مەم­لەكەت­تىك ورگان جانە لاۋازىمدى تۇلعا­لاردىڭ تاپسىرمالارىن ورىن­داۋ­مەن شەكتەلەتىن جانە وزدەرى ءجۇ­زەگە اسىراتىن جۇمىس­تىڭ مەم­لەكەتتىڭ جالپى ستراتە­گيالىق ماق­ساتتارىمەن ارا قاتى­ناسىن ءتۇسىن­بەيتىن قىزمەتشىلەر ەكەنىن ايتتى. سايكەسىنشە ولارعا قاتىستى لاۋازىمىنا ساي ەمەستىگى جانە تومەندەتۋگە ۇسىنۋ تۋرالى شەشىم شىعارىلعان. بۇعان قوسا, ا. شايىموۆا بريفينگتە كاسىبي مەملەكەتتىك اپپاراتتى قالىپتاستىرۋ ماسەلەسىنە نازار اۋداردى. «ەگەمەن-اقپارات»