قحا قۇتتىقتاۋى

قۇرمەتتى وتانداستار! سىزدەردى جالپىحالىقتىق كوك­تەم مەرەكەسى – ناۋرىز مەيرامىمەن قۇتتىقتايمىز. ناۋرىز ەجەلگى داۋىرلەردەن باس­تاپ ۇلىستىڭ ۇلى كۇنى – تابيعات پەن ادام رۋحىنىڭ جاڭارۋى, ءبىر­لە­سۋ مەن ءوزارا كومەك كۇنى رەتىندە اتالىپ وتەدى. بۇگىنگى كۇنى, عاسىرلار بويى ساقتالعان داستۇرلەردىڭ ارقاسىندا, سەنىم, ىنتىماق, تاتۋلىق پەن كەلىسىمنىڭ ارقاسىندا ناۋرىز مەيرامى ماڭگىلىك ەلدىڭ بىرىكتىرۋشى رۋحاني قۇندىلىعىنا اينالدى. كوكتەمنىڭ تىرشىلىكتى وياتار لەبىمەن بىرگە, ناۋرىز ءبىزدىڭ ۇيلەسىم مەن ءوزارا تۇسىنىستىككە, دوستىق پەن بىرلىككە دەگەن تالپىنىسىمىزدى ورنىقتىرا تۇسەدى. ءبىزدىڭ ەلىمىز بەن حالقىمىزدىڭ بۇگىنگى تابىس كىلتى, ەرتەڭگى جەڭىستەرى مەن جەتىستىكتەرىنىڭ كەپىلى, مىنە, وسىندا جاتىر. ناۋرىزدىڭ شۋاعى مەن جارىعى ءبىزدىڭ ورتاق ءۇيىمىز – ۇلى دالا ەلىنىڭ جازيرالى جازىعىن جىلۋىنا بولەسىن. كوكتەمنىڭ ناق وسى كۇندەرىندە ءبىزدىڭ ەلىمىز – قازاقستان رەسپۋب­ليكا­سىن نىعايتۋ مەن دامىتۋدىڭ شەشۋشى كەزەڭىنە قادام باسۋى­مىز­دىڭ ءوزى ماڭىزدى بولسا كەرەك. بۇگىن ءبىز, قازاقستان حالقى دەگەن ءبىرتۇتاس وتباسىنداعى جاندارداي, ورتاق ىسكە ۇلەس قوسۋدا ەل بولاشاعى ءۇشىن جاۋاپتى ەكەنىمىزدى ەرەكشە سەزىنەمىز. قىمباتتى جەرلەستەر! كوكتەمنىڭ ۇلى دا جارقىن مەرەكەسى ناۋرىز سىزدەرگە قۋانىش, مولشىلىق پەن باقىت سىيلاسىن! كوكتەم كۇنىنىڭ شۋاقتى شاپاعىمەن ۇلان-بايتاق ەلىمىزدىڭ ءار تۇكپىرىنە ۇيلەسىم ۇيالاسىن, ال ءار قازاقستاندىق وتباسىندا تاتۋلىق, ءوزارا سىيلاستىق, تۇسىنىستىك پەن سۇيىسپەنشىلىك ودان ءارى بەكي ءتۇسسىن! ۇلىس وڭ بولسىن! اق مول بولسىن! ناۋرىز مەيرامى قۇتتى بولسىن! قازاقستان حالقى اسسامبلەياسىنىڭ كەڭەسى