ساعىنتاەۆ سەمەي جۇرتشىلىعىمەن كەزدەستى

قر پرەمەر-ءمينيسترى باقىتجان ساعىنتاەۆ شىعىس قازاقستان وبلىسىنا جۇمىس ساپارى اياسىندا سەمەي قالاسىنىڭ جۇرتشىلىعىمەن كەزدەسۋ وتكىزدى. كەزدەسۋ بارىسىندا ءوڭىردىڭ الەۋمەتتىك-ەكونوميكالىق دامۋىنىڭ وزەكتى ماسەلەلەرى تالقىلاندى, دەپ حابارلايدى primeminister.kz. باقىتجان ساعىنتاەۆ كەزدەسۋ قاتىسۋشىلارىنا ەلىمىزدە جۇرگىزىلىپ جاتقان كونستيتۋتسيالىق رەفورمالاردىڭ ءمانىن ءتۇسىندىرىپ, ۇكىمەتتىڭ قر پرەزيدەنتىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى قازاقستان حالقىنا جولداۋىن ىسكە اسىرۋ بويىنشا اتقارىپ جاتقان جۇمىستارى تۋرالى ايتتى. قر پرەمەر-ءمينيسترى ەكونوميكالىق ءوسىمنىڭ جاڭا ۇلگىسىن قالىپتاستىرۋ ءۇشىن ۇكىمەت ءوز جۇمىسىن 5 ماڭىزدى باسىمدىققا جۇمىلدىراتىنىن ايتتى. سونىڭ ىشىندە - جاپپاي كاسىپكەرلىكتى دامىتۋ, وندىرىستىك جۇمىسپەن قامتۋدى ارتتىرۋ, تەحنولوگيالىق جاڭارتۋ جانە ەكونوميكانى تسيفرلاندىرۋ, قارجىلىق تۇراقتىلىقپەن قامتاماسىز ەتۋ جانە سالالىق باعدارلامالاردى ىسكە اسىرۋ بار. كەزدەسۋگە قاتىسۋشىلار ءوڭىردىڭ وزەكتى ماسەلەلەرىن تالقىلاپ, شقو-نىڭ ودان ءارى الەۋمەتتىك-ەكونوميكالىق دامۋى جونىندەگى ءوز ۇسىنىستارىن ايتتى. كەڭەس بارىسىندا تۇرعىن-ءۇي قۇرىلىسى, اۋىل شارۋاشىلىعىن دامىتۋ, دەنساۋلىق ساقتاۋ سالاسىنا مەملەكەتتىك قولداۋ كورسەتۋ, كاسىبي-تەحنيكالىق ءبىلىم بەرۋدى دامىتۋ جانە ءبىلىم بەرۋدىڭ ۇشتىلدىلىك جۇيەسىن ەنگىزۋ ماسەلەلەرى قوزعالدى. كەزدەسۋ قورىتىندىسى بويىنشا قر پرەمەر-ءمينيسترى باقىتجان ساعىنتاەۆ وبلىس پەن قالا باسشىلىعىنا ءوڭىردى ودان ءارى الەۋمەتتىك-ەكونوميكالىق دامىتۋ ماسەلەلەرى جونىندە بىرقاتار ناقتى تاپسىرما بەردى.