الاياقتىق ازايماي تۇر

جەڭىلدىڭ استىمەن, اۋىردىڭ ۇستىمەن ءجۇرىپ, اركىمدى الداپ پايدا تابۋشىلاردىڭ سانى ازايماي تۇر. بىرەۋدىڭ مۇلكىن زاڭسىز يەمدەنىپ, الاياقتىقپەن اقشا تاۋىپ, كوزبوياۋشىلىقپەن كەكىرە تويىپ جۇرگەندەردىڭ جولىن كەسۋ ماقساتىندا قىزىلوردا وبلىستىق ىشكى ىستەر دەپارتامەنتى ناقتى شارالاردى قولعا الدى. از كۇندىك جۇمىستىڭ ناتيجەسىندە الاياقتىق قىلمىسپەن اينالىسقان ەكى ادام قۇرىقتالعان. وسى ناۋرىز ايىنىڭ باسىندا پوليتسياعا قالا تۇرعىنى شاعىمدانادى. جابىرلەنۋشى ءوزىنىڭ تانىسى جوعارى جالاقىسى بار جۇمىسقا ورنالاستىرامىن دەپ 150 000 تەڭگەسىن الىپ, سول بويى ءىزىم-قايىم جوعالعانىن ايتادى. وسى ىسكە قاتىسى بار دەگەن كۇدىكپەن پوليتسەيلەر 30 جاستاعى ازاماتتى قولعا ءتۇسىردى. بۇگىندە وعان قاتىستى قىلمىستىق كودەكسىنىڭ 190-بابى 1-بولىگى بويىنشا ءىس قوزعالدى. سونىمەن قاتار, سوڭعى ۋاقىت­تاردا قۇندىز تونداردى ساتۋ, ساتىپ الۋعا قاتىستى الاياقتىق فاكتىلەرى دە كوبەيۋدە. ماسەلەن, اقپان ايىنىڭ سوڭىندا الدەبىر ازاماتشا 50 جاستاعى قالا تۇر­عى­نىنىڭ قۇندىز تونىن ساتىپ الۋعا كەلىسىپ, وتباسىمەن اقىلداسۋ ءۇشىن توندى ۇيىنە الىپ كەتەدى. الايدا, جابىرلەنۋشىنىڭ سەنىمىن تەرىس پايدالانىپ, 250 000 تەڭگە تۇراتىن قۇندىز تونىن دا, اقشاسىن دا قايتارمايدى. ناۋرىز ايىندا جابىرلەنۋشى ىشكى ىستەر باسقارماسىنا ارىز­دانادى. سول كۇنى سەزىكتى ازامات­شانىڭ ۇستىنەن تاعى 2 ارىز كەلىپ تۇسەدى. بارلىق قىلمىس ءبىر جۇيەمەن جاسالعانى, ياعني ەكى جابىرلەنۋشىنىڭ دە قۇندىز توندارىن ساتىپ الاتىنىنا سەندىرىپ, بوتەننىڭ مەنشىگىن زاڭسىز يەمدە­نىپ كەتكەندىگى انىقتالادى. بىرىنە 200 000 تەڭگە, ەندى بىرىنە 250 000 تەڭگە ماتەريالدىق شىعىن كەلتىرىلگەن. 3 فاكت بويىنشا قىلمىستىق ءىس قوزعالىپ, كۇدىكتى ىشكى ىستەر باسقارماسىنا جەتكى­زىلدى. قازىرگى تاڭدا سوتقا دەيىنگى تەرگەپ-تەكسەرۋ جۇمىس­تارى جۇرگىزىلۋدە. ايتا كەتەرلىك جايت, وسى جىل­دىڭ 2 ايىندا وبلىس كولەمىندە 168 الاياقتىق قىلمىس تىركەلگەنىمەن, ول وتكەن جىلدىڭ ەسەپتى مەرزىمىمەن سالىس­تىرعاندا 20,4 پايىزعا ازايعان. ەندى تىركەلگەن الاياقتىق قىل­مىس­تاردى از-كەم تالداساق. قا­رىزعا اقشا نەمەسە زات الىپ قايتار­ماعاندار – 34, نەسيە الۋعا كومەكتەسەمىن دەگەندەر – 127, كەزەكسىز جەر الىپ بەرەمىن دە­گەندەر – 131, كەزەكتەن تىس ءۇي الۋعا كو­مەك­تەسەمىن دەگەندەر – 124, ينتەرنەت جەلىسى نەمەسە ۇيالى تەلەفون ارقىلى سەنىمگە كىرىپ, ەسەپشوتىنا اقشا سالدىرعاندار سانى 71 قىلمىستى قۇراپ وتىر. ەرجان بايتىلەس, «ەگەمەن قازاقستان»