قورشاعان ورتا قورعاۋعا ءزارۋ

اعىمداعى جىلدىڭ 20 ناۋرىزى مەن 8 ءساۋىرى ارالىعىندا اقمولا وبلىسىندا الەۋمەتتىك-ەكولوگيالىق «ەكو بولاشاق» جوباسى باستالادى. وسىعان وراي ەنەرگەتيكا مينيسترلىگىنىڭ قولداۋىمەن «Agripp Business Group» كومپانياسى قازاقستاندىق ورتا ءبىلىم بەرەتىن مەكتەپتەردىڭ وقۋشىلارى اراسىندا ماكۋلاتۋرا جيناۋ­دان جالپىرەسپۋبليكالىق اكتسيا وتكىزەدى. بۇل اكتسيا «ەكو بولاشاق» الەۋمەتتىك-ەكولوگيالىق جوباسى شەڭبەرىندە جۇزەگە اسىرىلاتىن بولادى. جوبا ەلىمىزدىڭ بارلىق مەكتەپتەرىن قامتىعان 2 ميلليونعا تارتا وقۋشىعا باعىتتالعان. «ءاربىر وتكىزىلگەن ءبىر كيلو ماكۋلاتۋرادان تۇسەتىن بەس تەڭگە تسەرەبرالدى سال اۋرۋىمەن اۋىراتىن بالالارعا كو­مەك كورسەتەتىن «قاسيەتتى جول» قايى­رىمدىلىق قورىنىڭ ەسەپ-شوتىنا اۋدارىلادى. ماكۋلاتۋرادان تۇسكەن تابىس ءبىلىم مەكەمەلەرى ءۇشىن شارۋا­شىلىق زاتتارىن, تىڭايتقىشتار مەن تۇقىم ساتىپ الۋعا جۇمسا­لادى», دەيدى «ەكو بولاشاق» جو­باسىن دامىتۋ جونىندەگى ديرەكتور ستاس مەلنيكوۆ. ونىڭ پايىمداۋىنشا, ەڭ باستى ماقسات – جاستاردى تاربيە­لەۋدى ىنتالاندىرۋ, ولاردى جاۋاپكەرشىلىككە ۇيرەتۋ. «وسى جوبانىڭ كومە­گىمەن بالالاردىڭ بويىندا تا­بيعاتپەن ءوزارا بايلانىس بار ەكەندىگىن, سونىڭ نەگىزىندە وسكە­لەڭ ۇرپاقتىڭ ەكولوگيالىق كوز­قاراسى مەن مادەنيەتىن قالىپتاستىرۋ كوزدەلگەن. بۇل ادامنىڭ قورشاعان ورتاعا جانە دەنساۋلىعىنا دەگەن جاۋاپ­كەرشىلىگىن تۋدىرادى», دەيدى ديرەكتور. جالپى, «ەكو بولاشاق» جوباسى جىل سايىن ءداستۇرلى تۇردە وتكىزىلىپ تۇرماق. ونى ۇيىمداستىرۋشىلار اكتسيانىڭ جالپى, ۇلتتىق سيپات الىپ, ەل ازاماتتارىن قورشاعان ورتانى كۇتۋگە جانە بالالارىنىڭ ەكولوگيالىق بولاشاعىن قام­تاماسىز ەتۋگە ۇيرەتەدى دەگەن سەنىمدە. اسقار تۇراپباي ۇلى, «ەگەمەن قازاقستان» اقمولا وبلىسى