ونكولوگيالىق ديسپانسەر ەمحاناسى قۇرىلىسىنا قارجى كەرەك

كوكشەتاۋ قالاسىنداعى اقمولا وبلىس­تىق ون­كولوگيالىق ديسپانسەرىنىڭ عيما­راتى 1990 جىلى سالىنىپ, پايدالانىلۋعا بەرىلگەن بولاتىن. سول كەزدە جوبادا ديس­پانسەردىڭ ەمحاناسىن سالۋ قاراس­­­تىرىل­ماعاندىقتان, قازىر حالىققا امبۋ­لا­توريا­لىق-ەمحانالىق كومەكتىڭ 10 ءتۇرى ديسپانسەردىڭ ستاتسيونارلىق ەمدەۋ كورپۋسىنىڭ بەيىمدەلگەن 6 كابينەتتەرىندە كەزەكپەن كورسەتىلىپ كەلەدى. بۇل جاعداي ونكولوگيالىق كومەك كورسەتۋ, پاتسيەنت­تەردى قاراپ-تەك­سەرۋ ساپا­سىنا, سونداي-اق, بار­­لىق ءبولىم­شە­لەردىڭ پالاتالارىندا توسەك ورنىنىڭ تىعىز بولۋىنا اكەلىپ سوقتىرىپ وتىر. سانيتارلىق-ەپيدەميولوگيالىق نورمالارعا دا ەش سايكەسپەيدى. قازاقستان رەسپۋبليكاسىندا ونكو­لو­­گيالىق قىزمەتتى دامىتۋدىڭ 2012-2016 جىلدارعا ارنالعان باع­دا­رلاماسىنىڭ اياسىندا بىرقاتار مەديتس­ي­نالىق جابدىقتار (كومپيۋتەرلىك تومو­گراف, رەنتگەن-اپپارات جانە ەندو­ۆي­دەو­سكوپيالىق جابدىقتار ) الىن­عا­نى­مەن, ەمحانانىڭ جوقتىعىنان سول جاب­دىق­تاردى اۋرۋحانانىڭ اسحاناسى­نا ور­نالاستىرۋعا تۋرا كەلگەن. ەندى اسحانا جوق. قازىرگى ۋاقىتتا, ناۋقاستار ءوز پال­اتالارىندا جانە بولىمشەلەردە بەيىم­دەلگەن ورىنداردا تاماقتانادى. باعدارلاماعا ساي ونكولوگيالىق ديسپانسەردىڭ بازاسىندا ونكولوگيالىق ناۋقاستارعا قالپىنا كەلتىرۋ جانە پال­لياتيۆتى كومەك كورسەتۋ بولىمشەسىن اشۋ كوزدەلگەن. بىراق, بوس ءۇي-جايلاردىڭ بولماۋىنان بۇل كومەك وبلىس ورتالىعىنان 20 كيلومەتر جەردەگى اۋىلدىق دارىگەرلىك امبۋلاتوريا بازاسىندا كورسەتىلىپ كەلەدى. 2011 جىلدان باستاپ ونكولوگيالىق ناۋقاس­تارعا ستاتسيوناردى الماستىرۋشى كومەك كورسەتۋ ۇيىم­داستىرىلدى. بۇگىنگى تاڭدا, 25 توسەكتىك ورىندا ەمدەۋ جۇرگىزىلۋدە, ەمدەلۋشىلەر سانى 4 ەسەگە ۇلعايعان. كۇندىزگى ستاتسيوناردا نەگىزىنەن كوكشەتاۋ قالاسىنىڭ پاتسيەنتتەرى ەم الۋدا, ال پانسيونات بولعان جاعدايدا كومەكتىڭ وسى ءتۇرى وبلىستىڭ شالعايداعى اۋدان تۇرعىندارىنا دا قولجەتىمدى بولار ەدى. 2015 جىلدىڭ اقپان ايىندا مەملەكەت­تىڭ ساراپتاماسىمەن جوبالاۋ-سمەتالىق قۇجاتتا­مانى ازىرلەۋ اياقتالىپ, بۇعان 16,5 ميلليون تەڭگە قارجى شىعارىل­دى. جوبالاۋ-سمەتالىق قۇجاتقا سايكەس, مەديتسينالىق جابدىقتار ساتىپ الۋدى قوسقاندا, بارلىق جۇمىستاردىڭ قۇنى 2,6 ميلليارد تەڭگەنى قۇرايدى. جاڭا ەمحانا قۇرىلىسىنىڭ جوباسىندا پانسيونات تا كوزدەلگەن. جوبالاۋ-سمەتالىق قۇجاتتىڭ مەرزىمى 2018 جىلدىڭ اقپان ايىندا اياقتالادى. مىنە, وسى جاعدايدى جانە اقمولا وبلىسىنىڭ سۋبۆەنتسيالىعىن ەسكەرە وتىرىپ, ۇكىمەت كوكشەتاۋ قالا­سىندا اۋىسىمىنا 150 ادامدى قابىلداۋعا ارنالعان ونكولوگيالىق ديسپانسەر ەمحاناسىنىڭ قۇرىلىسىن 2017 جىلى قارجىلاندىرسا, وتە ءبىر ساۋاپتى ءىس تىن­دىرعانى بولىپ شىعار ەدى. جابال ەرعاليەۆ, راشيت اكىموۆ, سەنات دەپۋتاتتارى