شيرەك عاسىر – 300 قۇجات

قازاقستان رەسپۋبليكاسىنىڭ ۇلتتىق مۋزەيىندە «قازاقستان-رەسەي: ماڭگىلىك دوستىق ستراتەگياسى» اتتى تاريحي دەرەكتى كورمە اشىلدى. بيىل ەلىمىزدىڭ رەسەي فەدەرا­تسيا­سىمەن ديپلوماتيالىق قارىم-قاتىناس ورناتقانىنا 25 جىل. وسى جىلدار ىشىندە ەكى ەل اراسىندا قانشاما كەلىس­سوزدەر جاسالىپ, سانداعان قۇجاتتارعا قول قويىلدى. بۇل قۇجاتتار وتكەن شاق­تىڭ ەنشىسىندە قالىپ, مۇراعاتقا تابىستالعانىمەن, تاتۋ كورشىلىكتىڭ ءبىر ايعاعى رەتىندە قۇنىن ەشقاشان جوي­مايتىنى بەلگىلى. وسى ورايدا قا­زاقستان مادەنيەت جانە سپورت مينيستر­لىگىنىڭ, رەسەي فەدەرالدى مۇراعات اگەنتتىگىنىڭ ۇيىمداستىرۋىمەن وتكەن شارا قۇجاتتاردىڭ ءتۇپ-توركىنىن تا­نۋعا باعىتتالدى. كورمەنىڭ اشىلۋىندا ەلىمىز تارا­پىنان پرەزيدەنت اكىم­شىلىگى باسشى­سىنىڭ ءبىرىنشى ورىنباسارى مارات ءتاجين ەلبا­سى ن.نازارباەۆتىڭ, رە­سەي تارا­پىنان رەسەي فەدەراتسياسى پرەزيدەنتىنىڭ شەت مەملەكەتتەرمەن وڭىرارالىق جانە مادەني بايلانىس ءجونىن­دەگى باسقارماسىنىڭ باستىعى ۆلادي­مير چەرنوۆ پرەزيدەنت ۆ.پۋتين­نىڭ قۇتتىقتاۋ حات­تارىن وقىپ بەردى. ءما­دەنيەت جانە سپورت ءمينيسترى ارىس­­تانبەك مۇحامەدي ۇلى, رەسەي فەدەرال­دى مۇراعات اگەنت­تىگىنىڭ جەتەكشىسى اندرەي ار­تيزوۆ, سونداي-اق, رەسەيدىڭ قازاقستانداعى توتەنشە ءجا­نە وكىلەتتى ەلشىسى ميحايل بوچار­نيكوۆ تاراپىنان دا ديپلو­ماتيالىق قارىم-قاتىناستىڭ 25 جىلدىعىن ايگىلەيتىن كورمەگە جىلى لەبىزدەر ارنالدى. ەكى ەلدىڭ ارىپتەستىگىنىڭ نەگىزى سان عاسىرلاردى كوكتەپ ءوتىپ, ەلىمىز تاۋەل­سىزدىك العان تۇس­تا جاڭا ارناعا بەت بۇردى. بۇل وراي­دا ەڭ الدىمەن 1992 جىلى قا­بىلدانعان دوستىق, ىنتى­ماق­تاستىق جانە ءوزارا كومەك تۋرالى كەلىسىمدى اتاپ وتۋگە بولادى. ەكى جاقتى قارىم-قاتى­ناستىڭ نەگىزگى ۇستانىمدارى بەكى­تىلگەن بۇل قۇجات مەملەكەتتەر ارا­سىن­دا ساياسي جانە ەكونوميكالىق باي­­لانىستاردىڭ تۇراقتى دامۋىن قامتاماسىز ەتتى. ال, 1998 جى­لى ەكى ەل باسشى­لارىنىڭ ءماڭ­گى­لىك دوستىق پەن وداق­تاستىق تۋ­­رالى كەلىسىمگە قول قويۋى ىنتى­­ماق­­- تاس­تىقتىڭ ودان ءارى نى­عايۋىنا مۇمكىندىك بەرگەنى بەلگىلى. كورمە ماتەريالدارى ەكى مەملەكەت اراسىنداعى سەنىمنىڭ جوعارى دەڭ­گەيىنە, ءوزارا ءتۇ­سى­نىستىك پەن قولداۋ ءداستۇر­لەرى, شىنايى ستراتەگيالىق ءارىپ­تەس­تىك پەن وداقتاستىققا نەگىزدەلگەن قازاق­ستان-رەسەي ىنتى­ماق­تاستىعىنىڭ سىندارلى ۇلگىسىن اشىپ كورسە­تەدى. كور­مە ەكسپوزيتسياسىنا ەلىمىز­­دىڭ ۇلتتىق مۇراعاتى مەن رەسەي مەملە­كەتتىك مۇراعاتىنىڭ قورىنان الىنعان ساياسي-ەكونو­ميكالىق جانە مادەني-گۋ­ما­ني­تارلىق باعىتتاعى 300-دەن اسا قۇ­جاتتار قويىلدى. ولار مەم­لە­كەت­ارالىق, ۇكىمەتارالىق ءجا­نە ايماقا­را­لىق دەڭگەيلەردەگى ءتۇرلى باعىتتاعى ءمىن­دەت­تەردى ءتيىم­دى شەشۋگە مۇمكىندىك بەرەدى. شارانىڭ اشىلۋ سالتاناتىنا ەكى ەلدىڭ مەملەكەت جانە ساياسي قايرات­كەرلەرى, ۆەدومستۆولاردىڭ باسشىلارى, مادەنيەت جانە عىلىم سالاسىنىڭ وكىلدەرى قاتىستى. ايگۇل سەيىلوۆا, «ەگەمەن قازاقستان»