قىرعىزستاننىڭ بىرقاتار وڭىرلەرىندەگى جەرگىلىكتى دۇكەندەردە الكوگولدى ىشىمدىكتەر ساتۋعا تىيىم سالىنا باستادى, دەپ حابارلايدى e-islam سايتى Umma جۋرنالىنا سىلتەمە جاساپ.
الكوگول ونىمدەرىنە ەڭ العاش رەت 2008 جىلى وش وبلىسى قاراقى ايماعى تىيىم سالعان. بۇدان كەيىن رەسپۋبليكا بويىنشا 30 دۇكەن سورەلەرىنەن ءسپيرتتى ىشىمدىكتەر تۇگەلدەي الىنعان.
«باستى ماقسات – جاستاردى الكوگولگە تاۋەلدىلىكتەن قورعاۋ جانە وسىعان بايلانىستى تۋىندايتىن قىلمىستىڭ الدىن الۋ. سپيرت ونىمدەرىنە تىيىم سالۋ تۋرالى باستامانى كوبىنە جەرگىلىكتى تۇرعىندار كوتەرەدى. ولاردىڭ ۇسىنىسىن جەرگىلىكتى بيلىك وكىلدەرى, يمامدار مەن ساۋدا ورىندارى يەلەرى دە قولداۋ ءبىلدىرىپ كەلەدى» دەلىنگەن سايت ماتەريالىندا.
چايچا, الپ-وردو, كارا-تاش, مادى مەن قىزىل-سۋ اۋدانى تۇرعىندارى 2015 جىلدان بەرى ءوز وڭىرلەرىندە الكوگول ونىمدەرىنىڭ ساتىلۋىنا قارسىلىق بىلدىرگەن. مۇنان كەيىن قىرعىز-اتا نووكات اۋدانىنىڭ جەتى بىردەي اۋىلى, الاي اۋدانى كيروۆ اۋىلى دا وسى باستامانى جالعاستىرلعان. سونداي-اق, جەرگىلىكتى اكىمدىك تە قولداۋ كورسەتكەن.
2017 جىلدىڭ اقپان ايىندا قارا-قۇلجا اۋدانى الايكۋ اۋىلىندا دا الكوگولگە تىيىم سالىندى.
