قازاقستان ەكونوميكالىق ءوسۋ ءۇشىن اشىق ديالوگتى تاڭدايدى - سۇلەيمەنوۆ

ۇلتتىق ەكونوميكا ءمينيسترى الماتىدا Summit CFO IDEA EXCHANGE & NETWORKING EVENT قارجىلىق بلوگىنىڭ توپ-مەنەدجەرلەر ءسامميتىنىڭ جۇمىسىنا قاتىستى. ءوز سوزىندە مينيستر قازاقستاننىڭ ەكونوميكالىق دامۋ اسپەكتىلەرىن ايتىپ ءوتتى, دەپ جازادى قر ۇلتتىق ەكونوميكا مينيسترلىگىنىڭ ءباسپاسوز قىزمەتى. «كوپتەگەن ەلدەر پروتەكتسيونيستىك اكىمشىلىك شارالار ارقىلى  ەكونوميكالىق ساياساتتىڭ باسىمدىقتارىن قايتا قاراۋدا جانە ىشكى نارىقتى قورعاۋعا تىرىسادى, اتالعان بۇل شارالار تەك باعالاردىڭ ءوسۋىن توقتاتادى, ودان ءارى شەتتەتۋگە جاعداي جاسايدى» دەدى سۇلەيمەنوۆ. «قازاقستان كەرىسىنشە ەكونوميكالىق ءوسىمدى ىنتالاندىرۋ ءۇشىن اشىق ديالوگتى جانە ليبەرالدىق ءتاسىلدى تاڭدايدى. ءبىزدىڭ ماكروساياساتتىڭ نەگىزگى ەكپىنى سالاۋاتتى باسەكەلەستىك, ينۆەستيتسيالىق احۋالدى جاقسارتۋ, سونداي-اق ەكونوميكا سالالارىنىڭ تەرەڭ تەحنولوگيالىق جاڭعىرتۋدى دامىتۋعا نەگىزدەلگەن جاڭا ءوسۋ مودەلىنە كوشۋ» - دەدى مينيستر. «وتكەن جىلى ءبىزدىڭ ءوسۋ درايۆەرىمىز ىشكى جانە سىرتقى ينۆەستيتسيالار بولدى. نەعۇرلىم تۇراقتى جانە ارتاراپتاندىرىلعان ءوسىم ءۇشىن ءبىزدىڭ ەكسپورتتىڭ ساندىق جانە ساپالىق ءوسۋى قاجەت. وسىعان بايلانىستى ءبىز قازاقستاننىڭ بىرىڭعاي ەكسپورتتىق ستراتەگيا دايىندالاتىن بولادى» - دەدى سۇلەيمەنوۆ. ول سونداي-اق, سالىق زاڭناماسى جاڭا ەكونوميكالىق جاعدايلارعا بەيىمدەلۋىنە, ەكونوميكانىڭ جاڭا سەكتورلارىن قولداۋعا, جەر قويناۋىن پايدالانۋعا جاڭا ينۆەستيتسيا تارتۋعا, سالىقتىق جەڭىلدىكتەردى وڭتايلاندىرۋعا, سالىقتىق اكىمشىلەندىرۋدى ودان ءارى وڭايلاتۋعا باعىتتالاتىنىن ايتتى. «ەكونوميكادا شوب ۇلەسىن ارتتىرۋ ماقساتىندا  بجك-2020 باعدارلاماسى شەڭبەرىندە كاسىپكەرلىكتى قارجىلىق قولداۋ جالعاساتىن بولادى. مۇندا بيۋدجەتتىك قاراجاتتاردان باسقا حالىقارالىق قارجىلىق ۇيىمداردىڭ نەسيەلىك جەلىلەرى تارتىلاتىنىن اتاپ ءوتۋ كەرەك» - دەدى سۇلەيمەنوۆ. مينيستر, سونىمەن قاتار, 2016 جىلى قازاقستان ەكونوميكاسىنىڭ ءوسىمى 1% قۇراعانىن ەسكە سالدى. «2017 جىلى ءبىزدىڭ بولجام بويىنشا, ەكونوميكا سەكتورلارىنىڭ ءوسۋ قارقىنىن بىرقالىپتى قالىپقا كەلمەك. وعان سەبەپ سىرتقى جاعدايلاردىڭ تۇراقتانۋى جانە تۇتىنۋشىلىق بەلسەندىلىكتىڭ جاندانۋى. جالپى, 2017 جىلى ەكونوميكا ءوسىمى 2%-دان ارتۋىن كۇتەمىز» - دەپ قورىتىندىلادى سۇلەيمەنوۆ.