اقش قورىنىڭ ازايۋى مۇنايدىڭ قىمباتتاۋىنا تۇرتكى بولدى

استانا ۋاقىتىمەن تاڭعى ساعات 10:00-دە برەنت ماركالى مۇناي قۇنى 0,66 پايىزعا قىمباتتاپ, 52,15 دوللارعا كوتەرىلدى. وتكەن اپتا تۇراقتى ارزانداعان قارا التىن قۇنىنىڭ قايتا قىمباتتاي تۇسۋىنە كەشە اقش ەنەرگەتيكا مينيسترلىگىنىڭ جاساعان مالىمدەمەسى سەبەپ بولعان. اپتالىق ەسەپتە اقش مۇناي قورى ءبىر اپتادا 531 000 باررەلدەن 529 100 باررەلگە ازايعانى ايتىلادى. سونىمەن قاتار, ەلدەگى جانارماي قورى دا ايتارلىقتاي ازايعانى ايتىلادى. سونىمەن قاتار, وتكەن جىلدىڭ سوڭىندا وپەك+ ەلدەرىنىڭ قابىلداعان مۇناي ءوندىرىسىن ازايتۋ تۋرالى كەلىسىمى دە كەستەگە ساي ورىندالىپ, ۋاقىت وتە كەلە ءوز جەمىسىن بەرۋدە. ساراپشىلاردىڭ ايتۋىنشا, وپەك ءوزىنىڭ بەلگىلەگەن 60 دوللارلىق باعاعا جەتۋى ءۇشىن اقش مۇناي يندۋسترياسى قازىرگى قالپىنان تانباي, وندىرىسكە قارقىن بەرمەۋى كەرەك. Goldman Sachs ينۆەستيتسيالىق بانكى ساراپشىلارىنىڭ مالىمەتىنشە, الداعى ماۋسىمدا مۇناي نارىعىنداعى ۇسىنىس پەن سۇرانىس تەڭەسىپ, باعا قايتا قالپىنا كەلۋى ءتيىس.