ەلەكتروندى كىتاپ ساۋداسى تومەندەپ, قاعاز كىتاپتىڭ ساتىلىمى ارتتى. بۇل تۋرالى Nielsen ساراپتامالىق كومپانياسى جۇرگىزگەن زەرتتەۋ ناتيجەسىندە بەلگىلى بولدى, دەپ جازادى The Guardian. باسىلىمنىڭ حابارلاۋىنشا, ەلەكتروندى كىتاپقا دەگەن سۇرانىس وتكەن جىلمەن سالىستىرعاندا 4 پايىزعا تومەندەگەن. ال قاعاز كىتاپتاردىڭ ساۋداسى 7 پايىزعا ارتقان.
مىسالى, 2016 جىلى ۇلىبريتانيادا 360 ملن كىتاپ ساتىلعان. سونىمەن قاتار كىتاپ ساتىپ الۋعا جۇمسالعان قاراجات 2015 جىلمەن سالىستىرعاندا 100 ملن فۋنتقا ارتقان.
ۇيىمنىڭ بايانداماسىندا قاعاز كىتاپتارعا دەگەن قىزىعۋشىلىق الەمگە تانىمال كىتاپتاردىڭ شىعۋىنا بايلانىستى ارتا تۇسكەندىگى ايتىلعان. سونىمەن قاتار زەرتتەۋ ناتيجەسىندە بەلگىلى بولعانداي, ەلەكتروندى كىتاپتى وقۋدا ەڭ كوپ قولدانىلاتىن قۇرالدار قاتارىندا ۇيالى تەلەفوندار مەن پلانشەتتەر كوش باستاعان.
