جەكەشەلەندىرۋ جەدەلدەتىلەدى

ەلباسى 2017 جىلعى 31 قاڭتاردا ءوزىنىڭ قازاق­ستان حالقىنا ارناعان جولداۋىندا 2016-2020 جىل­دارعا ارنالعان جەكەشەلەندىرۋدىڭ كەشەن­دى جوسپارىندا ايقىندالعان كاسىپورىن­داردى جەكەشەلەندىرۋدى جىلدامداتۋدى جانە ونى 2018 جىلدىڭ اياعىنا دەيىن اياقتاۋدى تاپسىردى. ءساتتى جەكەشەلەندىرۋدىڭ نەگىزگى شارتتارىنىڭ ءبىرى جەكەشەلەندىرۋ ۇردىستەرىنىڭ اشىقتىعى مەن ايقىندىعىن قامتاماسىز ەتۋ بولىپ تابىلادى. وسى باعىتتا مينيسترلىك وبەكتىلەر تۋرالى بارلىق اقپاراتتى, ساتۋدىڭ بىرىڭعاي ەرەجەلەرى كورسەتىلگەن «ءبىر تەرەزە» قاعيداتى بويىنشا جەكەشەلەندىرۋدىڭ «ەكىنشى تولقىنىنىڭ» بارلىق وبەكتىلەرى بويىنشا بارلىق قولدانۋشىلارعا ىڭعايلى بىرىڭعاي اقپاراتتىق دەرەكتەر بازاسىن (نا privatization.gosreestr.kz) قۇردى. وسىلايشا, ەلەكتروندى ساۋدا-ساتتىق جۇرگى­زىل­گەندە سىبايلاس جەمقورلىق جاعداي­لارىن جويۋعا مۇمكىندىك بەرەتىن ساتۋشى مەن ساۋدا-سات­تىققا قاتىسۋشىنىڭ جەكە بايلانىسى مۇلدەم جويىلدى. جەكەشەلەندىرۋ قارقىنىن كۇشەيتۋ ءۇشىن ونىڭ بارىنشا اۋقىمدى كولەمىن 2017 جىلى جۇزەگە اسىرۋ ارقىلى وبەكتىلەردى ساۋدا-سات­تىق­قا شىعارۋ مەرزىمدەرى قايتا قارالاتىن بولادى. وبەكتىنىڭ ساۋدالانۋىن جۇزەگە اسىرۋ موني­تورينگىسىن ءار كەزەڭدە قامتاماسىز ەتۋ ءۇشىن on-line تۇرىندە مونيتورينگتىڭ ەلەكتروندى جۇيەسى ەنگىزىلەتىن بولادى. وسى ادىستىمەلەردى جۇزەگە اسىرۋ جەكە مەنشىك سەكتوردىڭ باسەكەلەستىككە قابىلەتتىلىگىن ارت­تىرۋعا جانە دامىتۋعا قوسىمشا جاعدايلار قۇرۋعا مۇمكىندىك بەرەدى دەپ كۇتىلۋدە. بەرىك شولپانقۇلوۆ, قارجى ۆيتسە-ءمينيسترى