«استانا» كۋبوكتى جەڭىپ الدى

الماتىدا باسكەتبولدان وتكەن قازاقستان كۋبوگى جولىنداعى دوداعا ەلىمىزدىڭ تاڭداۋلى دەگەن التى كومانداسى قاتىستى. جەڭىمپازدى انىقتاعان شە­شەۋشى سىندا «استانا» مەن «اتى­راۋ بارىستارى» كوماندالارى كەزدەستى. ويىننىڭ ءبىرىن­شى جارتىسى «استانا» كومان­داسىنىڭ جەڭىسىمەن اياقتال­دى. ماتچتىڭ ءۇشىنشى كەزە­ڭىندە دە اتىراۋ كومانداسى استا­نالىقتاردى قۋىپ جەتە المادى. ءۇشىنشى كەزەڭدە «استانا» توعىز ۇپاي ايىرماسىمەن, ياعني 47:38 ەسەبىمەن باسىم­دىق تانىتتى. شەشۋشى جانە دە تارتىستى ويىن بولعاندىقتان, باسكەتبولشىلار الاڭقاي ۇستىندە ءتارتىپتى ءجيى بۇزىپ تا جاتتى. اسىرەسە, كەزدەسۋدىڭ سوڭىندا شار­شاڭ­قىراپ قالعان ويىنشىلار بىرىنەن سوڭ ءبىرى تورەشىلەردەن ەسكەرتۋلەر الدى. سونىمەن, فينالدا ورنەكتى دە وتە قىزىقتى ويىن ۇلگىسىن كورسەتكەن «استانا» كومانداسى 66:46 ەسەبىمەن جەڭىسكە جەتىپ, قازاق­ستان كۋبوگىنىڭ يەگەرى اتاندى. بۇدان بولەك, كۋبوك سىنىنىڭ قولا جۇلدەسىن قوستانايلىق «توبىل» مەن اقتاۋلىق «كاسپي» كوماندالارى ءوزارا ساراپقا سالدى. بۇل ماتچ تا اسا تارتىستى ءوتتى. كەزدەسۋ بارىسىندا جيناقى ويناپ, جەڭىسكە دەگەن جىگەرلىلىك تانىتقان «كاسپي» كلۋبى قارسىلاسىن 99:86 ەسەبىمەن ۇتىپ, ءتۋرنيردىڭ جۇلدەگەرى اتاندى. جارىس قورىتىندىسىندا ارنايى اتالىمدار بويىنشا ۇزدىك ويىنشىلار انىقتالدى. ولاردىڭ قاتارىندا رۇستەم مۇرزاعاليەۆ («استانا»), رۋستام ەرعالي («استانا»), پاۆەل يلين («اتىراۋ بارىستارى»), انتون پو­نومارەۆ («استانا») جانە ۆسە­ۆولود فادەيكيننىڭ («الماتىلىق لەگيون») ەسىمدەرى اتالدى. ايناش ەسالي, «ەگەمەن قازاقستان» الماتى