ەلوردادا سيريا ماسەلەلەرىن رەتتەۋ بويىنشا حالىقارالىق كەلىسسوزدەردىڭ ءۇشىنشى راۋندى وتۋدە. حالىقارالىق ارەنادا «استانا پروتسەسى» دەگەن اتاۋعا يە بولعان كەلىسسوزدەر بارىسىندا شام ەلىندەگى اتىستى دوعارۋ رەجىمىن نىعايتۋ, بەيبىت حالىققا گۋمانيتارلىق كومەك جەتكىزۋ جولدارىن جەتىلدىرۋ, گۋمانيتارلىق نىسانداردى, ونىڭ ىشىندە يۋنەسكو قورعاۋىنا الىنعان نىسانداردى مينادان تازارتۋ ماسەلەسى ءسوز بولدى.
ادەتتەگىدەي «جابىق ەسىك» جاعدايىندا ءوتىپ جاتقان كەلىسسوزدەرگە رەسەي, يران, تۇركيا تاراپتارىنىڭ دەلەگاتسيالارى قاتىسۋدا. بايقاۋشى رەتىندە يوردانيا, اقش جانە بىرىككەن ۇلتتار ۇيىمىنىڭ ماماندارى كەلگەن. حالىقارالىق جيىننىڭ الدىن الا جوسپارىنا سايكەس, كەشە تاراپتاردىڭ ءتۇرلى قايشىلىقتى جاعدايلارعا قاتىستى ءوزارا پىكىر الماسۋى بولدى. نەگىزگى پلەنارلىق وتىرىس بۇگىن وتۋگە ءتيىس.
استانا پروتسەسى 6 جىل بويى سوعىس زاردابىن تارتىپ كەلە جاتقان سيريا حالقىنىڭ بەيبىت ومىرگە دەگەن ءۇمىتىن قايتا وياتتى. كەشەگى القالى جيىننان كەيىنگى ءباسپاسوز ءماسليحاتىندا ەلىمىز سىرتقى ىستەر ءمينيسترىنىڭ ورىنباسارى اقىلبەك كامالدينوۆ وسىلاي دەدى.
– قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ تولىق قولداۋىمەن جانە تىكەلەي اتسالىسۋىمەن باستالعان سيريا ماسەلەلەرى جونىندەگى استانا پروتسەسىنىڭ ءۇشىنشى راۋندى اتالعان ەلدەگى اتىستى دوعارۋ رەجىمىن نىعايتۋعا, سونىمەن قاتار, اسكەري جانە گۋمانيتارلىق ماسەلەلەردى تالقىلاۋعا باعىتتالدى. قازاقستان بۇل داعدارىستا بەيتاراپ ءارى وبەكتيۆتى ارااعايىن بولىپ قالا بەرەدى. استانا – سيريا بويىنشا بولاشاق كەلىسسوزدەر ءۇشىن لايىقتى ورىن. استانادا وتەتىن كەلىسسوزدەر سيريادا بەيبىتشىلىك ورناۋىنا ۇلەس قوسۋى ءۇشىن ءتيىستى قاجەتتىلىكتەرمەن قامتاماسىز ەتۋگە ءازىرمىز. قازاقستان بۇل ماقساتقا قول جەتكىزۋ ءۇشىن بەلسەندى تۇردە ۇلەس قوسۋدى جالعاستىراتىن بولادى. كەپىلدىك بەرۋشى مەملەكەتتەر – رەسەي, تۇركيا جانە يراننىڭ جوعارى لاۋازىمدى دەلەگاتسيالارى استانا پلاتفورماسىندا وسىعان دەيىن قول جەتكىزىلگەن ۋاعدالاستىقتاردىڭ ورىندالۋى بارىسىن تالقىلاپ, سيرياداعى داعدارىستى رەتتەۋ بويىنشا ۇشجاقتى ءوزارا ءىس-قيمىلدى نىعايتۋ جولدارىن قاراستىردى. قازىرگى تاڭدا حالىقارالىق قوعامداستىق استانا پروتسەسىنە ۇلكەن سەنىم ارتىپ, قول جەتكىزىلگەن كەلىسىمدەرگە جوعارى باعا بەرۋدە,– دەدى ا.كامالدينوۆ.
سىرتقى ساياسات ۆەدومستۆوسى حابارلاعانداي, باسقوسۋ بارىسىندا قاقتىعىس ايماعىنا حالىقارالىق كومەك جەتكىزۋ, سونىمەن قاتار, سيرياداعى يۋنەسكو قورعاۋىنا العان مادەني مۇرالاردى ساقتاپ قالۋ سىندى ماسەلەلەر كوتەرىلگەن.
كەشەگى وتىرىستان كەيىن سيريا ماسەلەسى بويىنشا كەپىل-مەملەكەتتەر بىرلەسكەن مالىمدەمە جاسادى. ونى ەلىمىزدىڭ سىرتقى ساياسات ۆەدومستۆوسىنىڭ وكىلى وقىپ بەردى. بۇل قۇجاتتا:
– سيرياداعى ازامات سوعىسىن بەيبىت جولمەن شەشۋدىڭ ماڭىزدى ەكەنى بەلگىلى. سوندىقتان, جەنەۆادا وتكەن كەلىسسوزدەردەن كەيىن ءوتىپ جاتقان استانا پروتسەسى وتە ماڭىزدى. ءبىز ناۋرىز ايىندا جەنەۆادا وتەتىن كەلىسسوزدەردىڭ جالعاسىن تابۋىن قولدايتىنىمىزدى بىلدىرەمىز. ۇشجاقتى كەزدەسۋلەر جوعارى دەڭگەيدە وتەتىندىگىن اتاپ وتەمىز. سيريا ۇكىمەتى مەن سيريا وپپوزيتسياسىنىڭ وكىلدەرى, سول سياقتى باسقا دا تاراپتار, بايقاۋشىلار وسى وتىرىستارعا شاقىرىلادى. ءبىز جوعارى دەڭگەيدەگى كەلەسى وتىرىستى استانادا 3-4 مامىردا وتكىزۋ تۋرالى شەشىم قابىلدادىق جانە 2017 جىلدىڭ ءساۋىر ايىندا تەگەراندا ساراپشىلىق كەڭەس وتكىزۋ تۋرالى كەلىستىك. سيرياداعى قاقتىعىستاردىڭ اياقتالۋى تۋرالى ايتۋعا ءالى ەرتە. ءبىزدىڭ الدىمىزدا كۇردەلى جول بار. سوعان قاراماستان, ءبىز كۇش-جىگەرىمىزدى بىرىكتىرۋ ارقىلى تەرروريزممەن جانە ەكسترەميزممەن كۇرەسە الامىز. وسى ورايدا, استانا پروتسەسىنىڭ وزىندىك تاجىريبەلىك ۇلەس قوساتىنىنا سەنىمىمىز مول. قازاقستان پرەزيدەنتى نۇرسۇلتان نازارباەۆقا ءجانە قازاقستان بيلىگىنە كەزدەسۋلەردى وتكىزۋگە مۇمكىندىك تۋعىزعانى ءۇشىن العىسىمىزدى بىلدىرەمىز,– دەلىنگەن.
كەلىسسوزدەردىڭ ءۇشىنشى راۋندى بارىسىندا سيريا داعدارىسىن رەتتەۋگە قاتىستى كەپىل-مەملەكەتتەرىنىڭ قاتارىنا يران يسلام رەسپۋبليكاسى قوسىلعانى بەلگىلى بولدى. بۇل تۋرالى پلەنارلىق وتىرىستان كەيىن تاراپتار وتكىزگەن ءباسپاسوز ءماسليحاتىندا ايتىلدى.
– بۇگىنگى كەڭەستە قول جەتكىزىلگەن وتە ماڭىزدى ناتيجەلەردىڭ ءبىرى يران دەلەگاتسياسىنىڭ كەپىل-مەملەكەتتەرىڭ قاتارىنا قوسىلۋ تۋرالى كەلىسىم قۇجاتىنا قول قويۋ تۋرالى شەشىم قابىلداعانى بولدى. ەندى يران رەسەي جانە تۇركيامەن قاتار, قاقتىعىسۋشى تاراپتار ءوز مويىندارىنا العان ءمىندەتتەمەلەردى ورىنداۋعا قاتىستى كەپىل-مەملەكەتتەردىڭ ءبىرى, – دەدى رەسەي پرەزيدەنتىنىڭ سيريا ماسەلەلەرى ءجونىندەگى ارنايى وكىلى الەكساندر لاۆرەنتەۆ.
كەشەگى كەلىسسوزدەر جۇمىسىنا سيريانىڭ وپپوزيتسيالىق توپتارىنىڭ دەلەگاتسياسى قاتىسپاعانى بەلگىلى. اتالعان دەلەگاتسيا استاناعا بۇگىن كەلەدى, كەلىسسوزدەر پروتسەسىنە قاتىسادى دەپ كۇتىلۋدە. بۇل تۋرالى ەلمىزدىڭ سىرتقى ىستەر مينيسترلىگىنىڭ رەسمي وكىلى ءانۋار جايناقوۆ حابارلاعان بولاتىن. سيريالىق وپپوزيتسيالىق توپتار دەلەگاتسياسىنىڭ كەلەتىنى تۋرالى رەسەي دەلەگاتسياسىنىڭ باسشىسى ا.لاۆرەنتەۆ تە ايتىپ ءوتتى.
– كەزدەسۋگە قاتىسۋشى تاراپتاردىڭ بارلىعى قاقتىعىس ايماعىنداعى زورلىق-زومبىلىقتار دەڭگەيىنىڭ ايتارلىقتاي تومەندەگەنىن قۋاتتادى. استاناداعى كەلىسسوزدەرگە سيريالىق قارۋلى وپپوزيتسيا دەلەگاتسياسىنىڭ قاتىسپاعانىنا قاراماستان, ءبىز ولاردىڭ ءوز ۇستانىمدارىن وزگەرتەتىنىنە ءۇمىت ارتامىز. بىزگە جەتكەن اقپاراتتارعا قاراعاندا, ولار تاڭەرتەڭ استاناعا كەلۋگە ءتيىس. وسى سەبەپكە بايلانىستى, سيريالىق وپپوزيتسيانى قىزىقتىراتىن ماسەلەلەرگە قاتىستى كەڭ اۋقىمدى كونسۋلتاتسيا وتكىزۋ ءۇشىن رەسەي, تۇركيا جانە يران دەلەگاتسيالارىنىڭ ءبىر بولىگىن استانادا قالدىرامىز,– دەدى ول. وسىلايشا, سيريا وپپوزيتسياسىنىڭ دەلەگاتسياسى كەلەدى دەپ كۇتىلۋىنە بايلانىستى, استانا پروتسەسىنىڭ ءۇشىنشى راۋندى ءبىر كۇنگە ۇزارتىلدى, ياعني «جابىق ەسىك» جاعدايىنداعى جيىن بۇگىن دە جالعاساتىن بولادى.
استانا پروتسەسىنىڭ العاشقى راۋندى رەسەي, تۇركيا جانە يران ەلدەرىنىڭ ۇسىنىسىمەن, قازاقستان تاراپىنىڭ قولداۋىمەن 23-24 قاڭتار كۇندەرى ەلوردادا وتكەنى ءمالىم. اسا ماڭىزدى حالىقارالىق فورۋمنىڭ ەكىنشى راۋندى 16-17 اقپاندا وتكەن بولاتىن. جالپى, حالىقارالىق ساياساتتا «استانا پروتسەسى» دەگەن اتاۋعا يە بولعان القالى جيىنعا قازاقستان تاراپى ءتيىستى الاڭ ۇسىنۋمەن شەكتەلەدى. ەلىمىزدىڭ سيريا قاقتىعىسىنا قاتىستى بەيتاراپ ۇستانىمىن سىرتقى ساياسات ۆەدومستۆوسى بۇعان دەيىن ايقىن اڭعارتقانى بەلگىلى. رەسمي استانانىڭ ۇستانىمى – التى جىلعا تارتا ۋاقىتتان بەرى ءتۇيىنى تارقاتىلماعان ماسەلەنىڭ بەيبىت جولمەن شەشىلۋىنە, تاراپتاردىڭ بىتىمگە كەلۋىنە, سول ارقىلى بەيبىت حالىقتىڭ ازاپ شەگۋىن توقتاتۋعا ۇلەس قوسۋ. وسى ارقىلى قازاقستان حالىقارالىق ارەنادا مامىلەگەر ەل رەتىندە دە بەدەلىن بيىكتەتكەنى انىق.
ارنۇر اسقار,
«ەگەمەن قازاقستان»
سۋرەتتەردى تۇسىرگەن
ەرلان وماروۆ,
«ەگەمەن قازاقستان»
• 16 ناۋرىز, 2017
استانا ۇستانىمى – سيريا ماسەلەسىن بەيبىت شەشۋگە ۇلەس قوسۋ
ەلوردادا سيريا ماسەلەلەرىن رەتتەۋ بويىنشا حالىقارالىق كەلىسسوزدەردىڭ ءۇشىنشى راۋندى وتۋدە. حالىقارالىق ارەنادا «استانا پروتسەسى» دەگەن اتاۋعا يە بولعان كەلىسسوزدەر بارىسىندا شام ەلىندەگى اتىستى دوعارۋ رەجىمىن نىعايتۋ, بەيبىت حالىققا گۋمانيتارلىق كومەك جەتكىزۋ جولدارىن جەتىلدىرۋ, گۋمانيتارلىق نىسانداردى, ونىڭ ىشىندە يۋنەسكو قورعاۋىنا الىنعان نىسانداردى مينادان تازارتۋ ماسەلەسى ءسوز بولدى.
ادەتتەگىدەي «جابىق ەسىك» جاعدايىندا ءوتىپ جاتقان كەلىسسوزدەرگە رەسەي, يران, تۇركيا تاراپتارىنىڭ دەلەگاتسيالارى قاتىسۋدا. بايقاۋشى رەتىندە يوردانيا, اقش جانە بىرىككەن ۇلتتار ۇيىمىنىڭ ماماندارى كەلگەن. حالىقارالىق جيىننىڭ الدىن الا جوسپارىنا سايكەس, كەشە تاراپتاردىڭ ءتۇرلى قايشىلىقتى جاعدايلارعا قاتىستى ءوزارا پىكىر الماسۋى بولدى. نەگىزگى پلەنارلىق وتىرىس بۇگىن وتۋگە ءتيىس.
استانا پروتسەسى 6 جىل بويى سوعىس زاردابىن تارتىپ كەلە جاتقان سيريا حالقىنىڭ بەيبىت ومىرگە دەگەن ءۇمىتىن قايتا وياتتى. كەشەگى القالى جيىننان كەيىنگى ءباسپاسوز ءماسليحاتىندا ەلىمىز سىرتقى ىستەر ءمينيسترىنىڭ ورىنباسارى اقىلبەك كامالدينوۆ وسىلاي دەدى.
– قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ تولىق قولداۋىمەن جانە تىكەلەي اتسالىسۋىمەن باستالعان سيريا ماسەلەلەرى جونىندەگى استانا پروتسەسىنىڭ ءۇشىنشى راۋندى اتالعان ەلدەگى اتىستى دوعارۋ رەجىمىن نىعايتۋعا, سونىمەن قاتار, اسكەري جانە گۋمانيتارلىق ماسەلەلەردى تالقىلاۋعا باعىتتالدى. قازاقستان بۇل داعدارىستا بەيتاراپ ءارى وبەكتيۆتى ارااعايىن بولىپ قالا بەرەدى. استانا – سيريا بويىنشا بولاشاق كەلىسسوزدەر ءۇشىن لايىقتى ورىن. استانادا وتەتىن كەلىسسوزدەر سيريادا بەيبىتشىلىك ورناۋىنا ۇلەس قوسۋى ءۇشىن ءتيىستى قاجەتتىلىكتەرمەن قامتاماسىز ەتۋگە ءازىرمىز. قازاقستان بۇل ماقساتقا قول جەتكىزۋ ءۇشىن بەلسەندى تۇردە ۇلەس قوسۋدى جالعاستىراتىن بولادى. كەپىلدىك بەرۋشى مەملەكەتتەر – رەسەي, تۇركيا جانە يراننىڭ جوعارى لاۋازىمدى دەلەگاتسيالارى استانا پلاتفورماسىندا وسىعان دەيىن قول جەتكىزىلگەن ۋاعدالاستىقتاردىڭ ورىندالۋى بارىسىن تالقىلاپ, سيرياداعى داعدارىستى رەتتەۋ بويىنشا ۇشجاقتى ءوزارا ءىس-قيمىلدى نىعايتۋ جولدارىن قاراستىردى. قازىرگى تاڭدا حالىقارالىق قوعامداستىق استانا پروتسەسىنە ۇلكەن سەنىم ارتىپ, قول جەتكىزىلگەن كەلىسىمدەرگە جوعارى باعا بەرۋدە,– دەدى ا.كامالدينوۆ.
سىرتقى ساياسات ۆەدومستۆوسى حابارلاعانداي, باسقوسۋ بارىسىندا قاقتىعىس ايماعىنا حالىقارالىق كومەك جەتكىزۋ, سونىمەن قاتار, سيرياداعى يۋنەسكو قورعاۋىنا العان مادەني مۇرالاردى ساقتاپ قالۋ سىندى ماسەلەلەر كوتەرىلگەن.
كەشەگى وتىرىستان كەيىن سيريا ماسەلەسى بويىنشا كەپىل-مەملەكەتتەر بىرلەسكەن مالىمدەمە جاسادى. ونى ەلىمىزدىڭ سىرتقى ساياسات ۆەدومستۆوسىنىڭ وكىلى وقىپ بەردى. بۇل قۇجاتتا:
– سيرياداعى ازامات سوعىسىن بەيبىت جولمەن شەشۋدىڭ ماڭىزدى ەكەنى بەلگىلى. سوندىقتان, جەنەۆادا وتكەن كەلىسسوزدەردەن كەيىن ءوتىپ جاتقان استانا پروتسەسى وتە ماڭىزدى. ءبىز ناۋرىز ايىندا جەنەۆادا وتەتىن كەلىسسوزدەردىڭ جالعاسىن تابۋىن قولدايتىنىمىزدى بىلدىرەمىز. ۇشجاقتى كەزدەسۋلەر جوعارى دەڭگەيدە وتەتىندىگىن اتاپ وتەمىز. سيريا ۇكىمەتى مەن سيريا وپپوزيتسياسىنىڭ وكىلدەرى, سول سياقتى باسقا دا تاراپتار, بايقاۋشىلار وسى وتىرىستارعا شاقىرىلادى. ءبىز جوعارى دەڭگەيدەگى كەلەسى وتىرىستى استانادا 3-4 مامىردا وتكىزۋ تۋرالى شەشىم قابىلدادىق جانە 2017 جىلدىڭ ءساۋىر ايىندا تەگەراندا ساراپشىلىق كەڭەس وتكىزۋ تۋرالى كەلىستىك. سيرياداعى قاقتىعىستاردىڭ اياقتالۋى تۋرالى ايتۋعا ءالى ەرتە. ءبىزدىڭ الدىمىزدا كۇردەلى جول بار. سوعان قاراماستان, ءبىز كۇش-جىگەرىمىزدى بىرىكتىرۋ ارقىلى تەرروريزممەن جانە ەكسترەميزممەن كۇرەسە الامىز. وسى ورايدا, استانا پروتسەسىنىڭ وزىندىك تاجىريبەلىك ۇلەس قوساتىنىنا سەنىمىمىز مول. قازاقستان پرەزيدەنتى نۇرسۇلتان نازارباەۆقا ءجانە قازاقستان بيلىگىنە كەزدەسۋلەردى وتكىزۋگە مۇمكىندىك تۋعىزعانى ءۇشىن العىسىمىزدى بىلدىرەمىز,– دەلىنگەن.
كەلىسسوزدەردىڭ ءۇشىنشى راۋندى بارىسىندا سيريا داعدارىسىن رەتتەۋگە قاتىستى كەپىل-مەملەكەتتەرىنىڭ قاتارىنا يران يسلام رەسپۋبليكاسى قوسىلعانى بەلگىلى بولدى. بۇل تۋرالى پلەنارلىق وتىرىستان كەيىن تاراپتار وتكىزگەن ءباسپاسوز ءماسليحاتىندا ايتىلدى.
– بۇگىنگى كەڭەستە قول جەتكىزىلگەن وتە ماڭىزدى ناتيجەلەردىڭ ءبىرى يران دەلەگاتسياسىنىڭ كەپىل-مەملەكەتتەرىڭ قاتارىنا قوسىلۋ تۋرالى كەلىسىم قۇجاتىنا قول قويۋ تۋرالى شەشىم قابىلداعانى بولدى. ەندى يران رەسەي جانە تۇركيامەن قاتار, قاقتىعىسۋشى تاراپتار ءوز مويىندارىنا العان ءمىندەتتەمەلەردى ورىنداۋعا قاتىستى كەپىل-مەملەكەتتەردىڭ ءبىرى, – دەدى رەسەي پرەزيدەنتىنىڭ سيريا ماسەلەلەرى ءجونىندەگى ارنايى وكىلى الەكساندر لاۆرەنتەۆ.
كەشەگى كەلىسسوزدەر جۇمىسىنا سيريانىڭ وپپوزيتسيالىق توپتارىنىڭ دەلەگاتسياسى قاتىسپاعانى بەلگىلى. اتالعان دەلەگاتسيا استاناعا بۇگىن كەلەدى, كەلىسسوزدەر پروتسەسىنە قاتىسادى دەپ كۇتىلۋدە. بۇل تۋرالى ەلمىزدىڭ سىرتقى ىستەر مينيسترلىگىنىڭ رەسمي وكىلى ءانۋار جايناقوۆ حابارلاعان بولاتىن. سيريالىق وپپوزيتسيالىق توپتار دەلەگاتسياسىنىڭ كەلەتىنى تۋرالى رەسەي دەلەگاتسياسىنىڭ باسشىسى ا.لاۆرەنتەۆ تە ايتىپ ءوتتى.
– كەزدەسۋگە قاتىسۋشى تاراپتاردىڭ بارلىعى قاقتىعىس ايماعىنداعى زورلىق-زومبىلىقتار دەڭگەيىنىڭ ايتارلىقتاي تومەندەگەنىن قۋاتتادى. استاناداعى كەلىسسوزدەرگە سيريالىق قارۋلى وپپوزيتسيا دەلەگاتسياسىنىڭ قاتىسپاعانىنا قاراماستان, ءبىز ولاردىڭ ءوز ۇستانىمدارىن وزگەرتەتىنىنە ءۇمىت ارتامىز. بىزگە جەتكەن اقپاراتتارعا قاراعاندا, ولار تاڭەرتەڭ استاناعا كەلۋگە ءتيىس. وسى سەبەپكە بايلانىستى, سيريالىق وپپوزيتسيانى قىزىقتىراتىن ماسەلەلەرگە قاتىستى كەڭ اۋقىمدى كونسۋلتاتسيا وتكىزۋ ءۇشىن رەسەي, تۇركيا جانە يران دەلەگاتسيالارىنىڭ ءبىر بولىگىن استانادا قالدىرامىز,– دەدى ول. وسىلايشا, سيريا وپپوزيتسياسىنىڭ دەلەگاتسياسى كەلەدى دەپ كۇتىلۋىنە بايلانىستى, استانا پروتسەسىنىڭ ءۇشىنشى راۋندى ءبىر كۇنگە ۇزارتىلدى, ياعني «جابىق ەسىك» جاعدايىنداعى جيىن بۇگىن دە جالعاساتىن بولادى.
استانا پروتسەسىنىڭ العاشقى راۋندى رەسەي, تۇركيا جانە يران ەلدەرىنىڭ ۇسىنىسىمەن, قازاقستان تاراپىنىڭ قولداۋىمەن 23-24 قاڭتار كۇندەرى ەلوردادا وتكەنى ءمالىم. اسا ماڭىزدى حالىقارالىق فورۋمنىڭ ەكىنشى راۋندى 16-17 اقپاندا وتكەن بولاتىن. جالپى, حالىقارالىق ساياساتتا «استانا پروتسەسى» دەگەن اتاۋعا يە بولعان القالى جيىنعا قازاقستان تاراپى ءتيىستى الاڭ ۇسىنۋمەن شەكتەلەدى. ەلىمىزدىڭ سيريا قاقتىعىسىنا قاتىستى بەيتاراپ ۇستانىمىن سىرتقى ساياسات ۆەدومستۆوسى بۇعان دەيىن ايقىن اڭعارتقانى بەلگىلى. رەسمي استانانىڭ ۇستانىمى – التى جىلعا تارتا ۋاقىتتان بەرى ءتۇيىنى تارقاتىلماعان ماسەلەنىڭ بەيبىت جولمەن شەشىلۋىنە, تاراپتاردىڭ بىتىمگە كەلۋىنە, سول ارقىلى بەيبىت حالىقتىڭ ازاپ شەگۋىن توقتاتۋعا ۇلەس قوسۋ. وسى ارقىلى قازاقستان حالىقارالىق ارەنادا مامىلەگەر ەل رەتىندە دە بەدەلىن بيىكتەتكەنى انىق.
ارنۇر اسقار,
«ەگەمەن قازاقستان»
سۋرەتتەردى تۇسىرگەن
ەرلان وماروۆ,
«ەگەمەن قازاقستان»
سوڭعى جاڭالىقتار
قازاقستاندىق شاڭعىشى قىزداردىڭ جەكەلەي سايىستاعى ناتيجەسى قانداي؟
وليمپيادا • كەشە
ەرتەڭ استانادا ءبىرىنشى اۋىسىم وقۋشىلارى قاشىقتان وقيدى
اۋا رايى • كەشە
قازاقستاندا وڭدەۋ ونەركاسىبى 6,4%-عا ءوستى
ءوندىرىس • كەشە
