قامكوڭىل جاندار قولداۋ كوردى

 جەرگىلىكتى بيلىك تاعدىردىڭ جازۋىمەن تاۋقىمەت تارتىپ قالعان مۇمكىندىگى شەكتەۋلى جانداردى ەڭبەكپەن قامتۋ ماسەلەسىنە ۇدايى كوڭىل ءبولىپ كەلەدى. وڭىردە شامامەن 25 مىڭنان اس­تام مۇمكىندىگى شەكتەۋلى جاندار بول­سا, ولاردىڭ 3 مىڭعا جۋىعى بالا­لار. وبلىستىق جۇمىسپەن قامتۋ ءجا­نە الەۋمەتتىك باعدارلامالار باس­قار­ماسىنىڭ مالىمەتتەرى بويىنشا, ەسەپتى كەزەڭدە 620 مۇگەدەك جان جالپى سوماسى 514,5 ملن تەڭگە بولاتىن قوزعالىس قۇرىلعىلارى, سۋردوتەح­نيكا, تيفلوتەحنيكا, ساناتوريلىك-كۋ­رورتتىق ساۋىقتىرۋ, پروتەزدى-ورتو­پە­ديالىق قىز­مەت­تەر, گيگيەنالىق قۇ­رال­دار, ىمداۋ ءتىلى ما­مان­دارىمەن جانە جەكە كومەكشىمەن قامتاماسىز ەتىلگەن. 2100-دەن استام ادام ۇيدە كۇتىم تۇرىندە الەۋمەتتىك كومەك الادى. ءتورت ۇكىمەتتىك ەمەس ۇيىم مەملەكەتتىك الەۋمەتتىك تاپسىرىس اياسىندا 273 مۇگەدەك بالاعا وسىنداي قىزمەتتەر كورسەتەدى. مۇگەدەكتەردىڭ قۇقىقتارىن قامتاماسىز ەتۋ جانە ءومىر ءسۇرۋ ساپاسىن جاقسارتۋ بويىنشا ۇلت جوس­پارىن جۇزەگە اسىرۋعا سايكەس 125 نىسان الەۋمەتتىك بەيىمدەۋدەن ءوتتى. سونىمەن قاتار, جەرگىلىكتى بيۋدجەت ەسەبىنەن وڭىردە مۇگەدەكتەردى وڭالتۋعا باعىتتالعان باسقا دا جوبالار جۇزەگە اسىرىلۋدا. وبلىس اكىمى بەردىبەك ساپارباەۆ وسى سالاداعى باقىلاۋدى كۇشەيتىپ, مۇگەدەكتەردى جۇمىسقا قابىلداۋ كۆوتاسىن بۇزعان مەكەمەلەردىڭ باسشىلارىنا قاتاڭ شارا قولدانۋدى ۇسىندى. وبلىس اكىمى, سونداي-اق, مۇمكىندىگى شەكتەۋلى جاندارعا قالا بويىنشا قوزعالىس ۇلكەن قيىندىق تۋعىزىپ وتىرعانىن جانە بۇل ماسەلەنى شەشۋدە ينۆاتاكسي سانىن ارتتىرۋ قاجەتتىگىن اتاپ ءوتتى. ءمۇم­كىندىكتەرى شەكتەۋلى ادامداردى قول­داۋعا باعىتتالعان الەۋمەتتىك ءىس-شارالارعا تاربيەلەۋ ماقساتىندا جاستاردى بەلسەندى تارتۋ قاجەتتىگىنە توقتالدى. مەملەكەت باسشىسىنىڭ سايا­ساتى تاۋەلسىزدىكتىڭ العاشقى كۇن­دە­رىنەن باستاپ الەۋ­مەتتىك ادىلەتتىلىك قا­­عيداتتارىنا نەگىزدەلگەنىنە, مەملەكەت ارنايى باع­دارلامالاردى جۇزەگە اسىرىپ, مۇقتاج جاندارعا الەۋمەتتىك كومەك كورسەتۋ ءۇشىن قىرۋار قارجى ءبولىپ وتىرعانىنا نازار اۋداردى. ساتىبالدى ءساۋىرباي, «ەگەمەن قازاقستان» اقتوبە