دەن ەمبروۋز: الۆارەس گولوۆكينمەن تەزىرەك جەكپە-جەك وتكىزۋى ءتيىس

Boxingnews24.com پورتالىنىڭ شولۋشىسى دەن ەمبروۋز امەريكالىق كىشى فلويد مەيۆەزەردىڭ جاقىندا بەرگەن سۇحباتىنا قاتىستى ءوز پىكىرىن ءبىلدىردى. بۇل تۋرالى vesti.kz حابارلادى. امەريكالىق بوكسشى مەكسيكالىق ساۋل الۆارەس (48-1-1, 34 كو) قازاقستاندىق گەننادي گولوۆكينمەن (36-0, 33 كو) جۇدىرىقتاسار بولسا, ۋاقىتىنان بۇرىن نوكاۋتپەن جەڭەتىنىنە سەنىمدى ەكەنىن ايتقان. سونداي-اق, جەكپە-جەكتىڭ قازىر ءوتۋى ءتيىمسىز ءارى قارجى ماسەلەسىن جوسپارلى تۇردە جۇزەگە اسىرعان ءجون ەكەنىن ەسكەرتكەن. «كەيبىر جانكۇيەرلەر مەيۆەزەردىڭ ءسوزىن جەلەۋ ەتىپ, «كانەلونىڭ» گولوۆكينمەن كۇش سىناسۋدان باس تارتۋى دۇرىس دەپ ەسەپتەيدى. ال مەنىڭ ويىمشا, الۆارەس بۇل كەزدەسۋدەن جالتارىپ ءجۇر. GGG اشىق تۇردە جۇدىرىقتاسقىسى كەلەتىنىن مالىمدەگەنمەن, مەكسيكالىقتان ءالى كۇنگە دەيىن ماردىمدى جاۋاپ بولا قويمادى», – دەدى شولۋشى. «Golden Boy ءالى ۋاقىتى كەلمەگەنىن ايتادى. بىراق ول كۇن قاشان كەلەدى؟ گولوۆكين بىرنەشە ايدان كەيىن 35-كە كەلەدى. تيىسىنشە, ونىڭ سپورتتاعى جاسى دا كەلىپ قالدى. بىراق ءالى دە جوعارى دەڭگەيدە ونەر كورسەتىپ ءجۇر. كەيبىرەۋلەر كەلل برۋكپەن وتكەن ۇرىسىندا ولقىلىقتارى كورىنىپ قالعانىن ايتادى. گولوۆكيننىڭ بىرنەشە جويقىن سوققى جىبەرىپ العانى راس. بىراق بريتانيالىقتىڭ كوزىن شىعارا جازداپ, ۋاقىتىنان بۇرىن جەڭگەنىن ۇمىت قالدىرىپ جاتادى. ول كۇنى ماسەلە كۇشىندە ەمەس قورعانىسىندا بولعانىن ەسكەرگەن ءجون», – دەدى دەن ەمبروۋز. «مەيۆەزەردىڭ ايتۋى بويىنشا, الۆارەسكە ول لايىقتى قارسىلاس ەمەس ەكەن. ولاي بولسا, كەزدەسۋ الدەقاشان بۇرىن ءوتۋى ءتيىس ەدى. «كانەلو» مەن Golden Boy بۇل ءىستى كەيىنگە قالدىرعانى فاناتتاردى گولوۆكيننەن قاشىپ جۇرگەندەي سەزىمدە قالدىرىپ جاتادى. بالكىم گولوۆكيننىڭ قارتايعانىن كۇتىپ جۇرگەن بولار؟! فلويدتىڭ ءسوزىن راستاۋ ءۇشىن قوس سپورتشىنىڭ اراسىنداعى بوكس كەشىن تەزىرەك كورۋىمىز كەرەك», – دەدى ەمبروۋز. ايتا كەتەيىك, بۇل ءىس 2016 جىلى ءوتۋى ءتيىس بولاتىن. بىراق مامىر ايىندا مەكسيكالىق باس تارتقاندىقتان ورتا سالماقتاعى ونىڭ WBC بەلبەۋى گەنناديگە بەرىلدى. سونىمەن قاتار, الۆارەستىڭ گولوۆكينمەن جەكپە-جەگىن بيىلعا جوسپارلاعانى دا حابارلانعان. قوس تاراپ قارجى ماسەلەسىندە ورتاق كەلىسىمگە كەلە الماعاندىقتان قازىر كەلىسسوزدەر توقتاپ تۇر.